ചെന്നൈ∙ നീണ്ട അവധിക്കു ശേഷമാണ് ഇംഗ്ലണ്ട് ക്രിക്കറ്റ് താരം മൊയീൻ അലി വീണ്ടും ഇംഗ്ലിഷ് ടെസ്റ്റ് ടീമിലേക്കു തിരിച്ചെത്തിയിരിക്കുന്നത്. ഇന്ത്യയ്ക്കെതിരായ രണ്ടാം ടെസ്റ്റിൽ താരം കളിക്കുന്നുമുണ്ട്. 2019 ഓഗസ്റ്റിൽ ഓസ്ട്രേലിയയ്ക്കെതിരെയായിരുന്നു മുൻപ് താരം കളിച്ചത്. ഇന്ത്യയ്ക്കെതിരായ ആദ്യ ടെസ്റ്റിൽ മൊയീൻ അലിക്ക് അവസരം ലഭിച്ചിരുന്നില്ല.ഇതിനിടെ ചെപ്പോക്കിലെ രണ്ടാം ടെസ്റ്റിലെ കളിക്കിടെ ആരാധകര് മൊയീൻ അലിയോടു സിനിമാ വിശേഷങ്ങൾ ചോദിക്കുന്ന ദൃശ്യമാണ് ഇപ്പോൾ സമൂഹമാധ്യമങ്ങളിൽ പ്രചരിക്കുന്നത് .
Also read : ഫോളോവേഴ്സിന്റെ എണ്ണത്തിൽ റെക്കോർഡിട്ട് റൊണാള്ഡോ
ഫീൽഡ് ചെയ്യുന്നതിനിടെ മൊയീൻ അലിയോട് തമിഴ് സൂപ്പർ താരം അജിത്തിന്റെ പുതിയ സിനിമയായ ‘വലിമൈ’യെക്കുറിച്ച് എന്തെങ്കിലും അപ്ഡേറ്റ് ഉണ്ടോയെന്നാണ് ‘തല അജിത് ആരാധകരുടെ ചോദ്യം’. കാര്യം മനസ്സിലായില്ലെങ്കിലും ചിരിച്ചുകൊണ്ട് ആരാധകര്ക്കു നേരെ മൊയീൻ അലി കയ്യുയർത്തുന്നതു കാണാം. ആദ്യ ദിനം ഇന്ത്യൻ ക്യാപ്റ്റൻ വിരാട് കോലിയെ മൊയീൻ അലി പുറത്താക്കിയിരുന്നു. അലിയുടെ പന്തില് ബൗൾഡായ കോലി എന്താണു സംഭവിച്ചതെന്നറിയാതെ നോക്കിനിന്നു പോയത് കഴിഞ്ഞ ദിവസം വാർത്തയായിരുന്നു. അജിൻക്യ രഹാനെയെയും ബോൾഡാക്കിയ താരം നാലു വിക്കറ്റുകളാണ് ആദ്യ ഇന്നിങ്സിൽ സ്വന്തമാക്കിയത്.
Discussion about this post