ന്യൂഡല്ഹി: കര്ഷക സംഘടനകളുമായി കേന്ദ്രസര്ക്കാര് നടത്തിയ ആറാം വട്ട ചര്ച്ചയും പരാജയപ്പെട്ടു. കാര്ഷിക നിയമങ്ങള് പിന്വലിക്കാനാവില്ലെന്ന് കേന്ദ്രസര്ക്കാര് പറഞ്ഞതോടെയാണ് ചര്ച്ച പരാജയമായത്. ഇന്നത്തെ ചര്ച്ചയില് നാല് അജണ്ടകളാണ് കര്ഷകര് മുന്നോട്ടുവെച്ചത്. ഇതില് രണ്ട് നിര്ദേശങ്ങള് അംഗീകരിക്കാമെന്ന് കേന്ദ്രം വ്യക്തമാക്കി. കാര്ഷിക നിയമങ്ങള് പിന്വലിക്കാനാവില്ല, പകരം നിയമം പരിശോധിക്കാന് പ്രത്യേക സമിതി രൂപീകരിക്കാമെന്നാണ് കേന്ദ്രം ആവര്ത്തിച്ചത്.
വൈദ്യുതി ഭേദഗതി ബില് പിന്വലിക്കും, കാര്ഷിക അവശിഷ്ടം കത്തിക്കുന്നത് നിയന്ത്രിക്കുന്ന ഓര്ഡിനന്സില് മാറ്റം വരുത്തണം എന്നീ നിര്ദേശങ്ങളാണ് കേന്ദ്രം സ്വീകരിച്ചത്. ഡല്ഹിയിലെ കടുത്ത ശൈത്യം കണക്കിലെടുത്ത് സ്ത്രീകളേയും കുട്ടികളേയും പ്രായമായവരേയും സമരവേദികളില് നിന്ന് വീടുകളിലേക്ക് തിരികെ അയക്കണമെന്ന് ആവശ്യപ്പെട്ടതായി കേന്ദ്ര കൃഷിമന്ത്രി നരേന്ദ്രസിങ് തോമര് പറഞ്ഞു.
അതേസമയം ജനുവരി നാലിന് വീണ്ടും ചര്ച്ച നടത്താനാണ് തീരുമാനം.
Discussion about this post