തിരുവനന്തപുരം: കിഫ്ബിക്കെതിരെ എന്ഫോഴ്സ്മെന്റ് അന്വേഷണം. മസാല ബോണ്ടിന്റെ വിശദാംശങ്ങള് തേടി ഇ.ഡി ആര്ബിഐയ്ക്ക് കത്തയച്ചു. സിഎജി റിപ്പോര്ട്ടിന്റെ അടിസ്ഥാനത്തിലാണ് ഇ.ഡിയുടെ നടപടി.
കിഫ്ബിയുടെ കടമെടുപ്പ് സര്ക്കാരിന് ഇതുവരെ 3100 കോടി രൂപയുടെ ബാധ്യതയുണ്ടാക്കിയതായി സിഎജിയുടെ റിപ്പോര്ട്ടില് വ്യക്തമാക്കിയിരുന്നു. ഇതുസംബന്ധിച്ചാണ് ഇപ്പോള് ഇ.ഡി അന്വേഷിക്കുന്നത്. ഫെമ നിയമത്തിന്റെ ലംഘനം നടന്നിട്ടുണ്ടോ എന്നതാണ് പ്രധാനമായും ഇഡി പരിശോധിക്കുന്നത്.
സിഎജി എതിര്പ്പിനിടയിലും ലണ്ടന് സ്റ്റോക്ക് എക്സേഞ്ചില് നിന്നും മസാലബോണ്ടുകള് വഴി 2150 കോടി രൂപ 7.23 ശതമാനം പലിശയ്ക്ക് വാങ്ങുകയും ആ പണം വിവിധ കിഫ്ബി പദ്ധതികള്ക്കായി ചിലവാക്കുകയും ചെയ്തിരുന്നു.
ഇതിനിടെയാണ് കേന്ദ്രസര്ക്കാര്, ആര്ബിഐ അനുമതിയില്ലാതെ കിഫ്ബി വഴി പണം വായ്പ എടുക്കാന് പറ്റില്ലെന്ന വാദം തങ്ങളുടെ ഓഡിറ്റ് റിപ്പോര്ട്ടില് സിഎജി ഉള്പ്പെടുത്തിയത്. ഇതോടെ സിഎജിക്കെതിരെ ധനമന്ത്രി തോമസ് ഐസക് തന്നെ രംഗത്തു വന്നിരുന്നു. എന്നാല് ആര്ബിഐ അനുമതിയോടെയാണ് കിഫ്ബി മസാല ബോണ്ടുകള് വാങ്ങിയത് എന്നായിരുന്നു സംസ്ഥാന സര്ക്കാരിന്റെ നിലപാട്. ഇതിനിടെയാണ് കിഫ്ബിയെക്കുറിച്ചും മസാല ബോണ്ടിനെക്കുറിച്ചും എന്ഫോഴ്സ്മെന്റ് ഡയറക്ടറേറ്റ് അന്വേഷണം ആരംഭിച്ചിരിക്കുന്നത്.
Discussion about this post