കണ്ണൂര്: പാലത്തായി പീഡനകേസ് അന്വേഷണത്തില് നിന്ന് ഐ ജി ശ്രീജിത്തിന്റെ നേതൃത്വത്തിലുള്ള അന്വേഷണ സംഘത്തെ മാറ്റി പുതിയ സംഘത്തെ നിയമിച്ചു. തളിപറമ്പ ഡിവൈഎസ് പി രത്നകുമാറിനാണ് അന്വേഷണ ചുമതല. എഡിജിപി ജയരാജിനാകും ഇനി അന്വേഷണത്തിന്റെ മേല്നോട്ട ചുമതല.
ഐജി.എസ് ശ്രീജിത്തിന്റെ നേതൃത്വത്തിലുള്ള അന്വേഷണ സംഘത്തില് വിശ്വാസമില്ലെന്നും കേസ് അട്ടിമറിക്കാന് പോലീസ് ശ്രമിക്കുകകയാണെന്നും ചൂണ്ടികാട്ടി പെണ്കുട്ടിയുടെ അമ്മ നല്കിയ ഹര്ജിയില് പുതിയ സംഘത്തെ നിയോഗിക്കാന് ഹൈക്കോടതി ഉത്തരവിട്ടിരുന്നു.
കണ്ണൂര് പാലത്തായിയില് നാലാം ക്ലാസുകാരിയെ ബിജെപി നേതാവായ അദ്ധ്യാപകന് പീഡിപ്പിച്ചെന്നാണ് കേസ്. കേസിലെ പ്രതി പദ്മരാജന് നേരത്തെ ജാമ്യം ലഭിച്ചിരുന്നു. ഇയാള്ക്ക് അനുകൂലമായി കേസിന്റെ മേല്നോട്ട ചുമതലയുള്ള ഐജി എസ് ശ്രീജിത്ത് നടത്തിയ ഫോണ് സംഭാഷണം പുറത്ത് വന്നത് വലിയ വിവാദമായിരുന്നു.
Discussion about this post