തിരുവനന്തപുരം: എന്‍ഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥര്‍ ബിനീഷ് കോടിയേരിയുടെ വീട്ടില്‍ റെയ്ഡിനെത്തി. തിരുവനന്തപുരം മരുതംകുഴിയിലെ വീട്ടിലാണ് എട്ടംഗ സംഘം റെയ്ഡിന് എത്തിയത്. സാമ്പത്തിക ഇടപാട് അന്വേഷിക്കുന്ന എന്‍ഫോഴ്‌സ്‌മെന്റ് സംഘം ബംഗളൂരുവില്‍ നിന്നാണ് എത്തിയത്. വീടിന്റെ താക്കോല്‍ ഇല്ലാത്തതിനാല്‍ അര മണിക്കൂറായി ഇ.ഡി വീടിന് അകത്ത് കയറാനാകാതെ നില്‍ക്കുന്നു.
സി.ആര്‍.പി.എഫും കര്‍ണാടക പോലീസും ഒപ്പമുണ്ട്. വീട്ടില്‍ ജോലിക്കാരന്‍ മാത്രമാണുള്ളത്. പോലീസ് ഉദ്യോഗസ്ഥര്‍ താക്കോലിനായി കാത്തിരിക്കുകയാണ്.
Discussion about this post