തിരുവനന്തപുരം: സംസ്ഥാനത്ത് ബീച്ചുകള് ഒഴികെയുള്ള ടൂറിസം കേന്ദ്രങ്ങള് ഇന്ന് തുറക്കും. ഹില്സ്റ്റേഷനുകളും സാഹസിക വിനോദസഞ്ചാര കേന്ദ്രങ്ങളും കായലോര ടൂറിസം കേന്ദ്രങ്ങളും തുറക്കാനാണ് തീരുമാനം. അതേസമയം നവംബര് 1 മുതല് ബീച്ചുകള് തുറക്കും.
കോവിഡ് പ്രോട്ടോക്കോള് പ്രകാരം മാത്രമേ പ്രവേശനം അനുവദിക്കൂ. സഞ്ചാരികള്ക്ക് ശരീരോഷ്മാവ് പരിശോധിക്കുന്നതിനും കൈകള് സോപ്പിട്ട് കഴുകുന്നതിനും ആരോഗ്യവകുപ്പ് നിര്ദേശിച്ചിട്ടുള്ള മറ്റ് എല്ലാ മുന്കരുതലുകളും സ്വീകരിക്കുന്നതിനുള്ള സംവിധാനം ടൂറിസ്റ്റ് കേന്ദ്രങ്ങളിലും ഹോട്ടലുകളിലും ഉണ്ടാകണം.നടപ്പാതകളും കൈവരികളും ഇരിപ്പിടങ്ങളുമെല്ലാം സാനിറ്റൈസര് സ്േ്രപ ചെയ്ത് അണുവിമുക്തമാക്കണം.
മറ്റ് സംസ്ഥാനങ്ങളില് നിന്നുള്ള ടൂറിസ്റ്റുകള്ക്കും ഒരാഴ്ച്ച വരെയുള്ള ഹ്രസ്വസന്ദര്ശനത്തിന് ക്വാറന്റീന് നിര്ബന്ധമില്ല. സംസ്ഥാനത്തിന് പുറത്ത് നിന്നുമെത്തുന്ന സഞ്ചാരികള് കോവിഡ് ജാഗ്രതാ പോര്ട്ടലില് രജിസ്റ്റര് ചെയ്യണം. 7 ദിവസം കഴിഞ്ഞും മടങ്ങുന്നില്ലെങ്കില്, ടൂറിസ്റ്റുകള് സ്വന്തം ചെലവില് കോവിഡ് പരിശോധനയ്ക്ക് വിധേയമാകേണ്ടതാണെന്നും സര്ക്കാര് അറിയിച്ചു. 7 ദിവസത്തില് കൂടുതല് ചെലവഴിക്കാന് ആഗ്രഹിക്കുന്നവര് കോവിഡ് നെഗറ്റീവ് സര്ട്ടിഫിക്കറ്റുമായി എത്തുകയോ, കേരളത്തില് എത്തിയാല് ഉടന് കോവിഡ് പരിശോധന നടത്തുകയോ ചെയ്യണം. അല്ലെങ്കില് സഞ്ചാരികള് 7 ദിവസം ക്വാറന്റൈനില് പോകേണ്ടി വരും.
കഴിഞ്ഞ 6 മാസങ്ങളായി ടൂറിസം മേഖലയും അതിനെ ആശ്രയിച്ചു ജീവിക്കുന്നവരും വലിയ പ്രതിസന്ധി നേരിടുന്ന സാഹചര്യത്തിലാണ് ഈ തീരുമാനമെന്ന് മന്ത്രി വ്യക്തമാക്കി.
Discussion about this post