എം.ടെക് സായാഹ്ന കോഴ്സ് പ്രവേശനത്തിന് അപേക്ഷിക്കാം

തിരുവനന്തപുരം: ശ്രീകാര്യം എന്‍ജിനീയറിംഗ് കോളേജില്‍ എം.ടെക് സായാഹ്ന കോഴ്സ് പ്രവേശനത്തിന് ഒക്ടോബര്‍ 17 വരെ ഓണ്‍ലൈനായി അപേക്ഷിക്കാം.അപേക്ഷയുടെ പ്രിന്റൗട്ട് സി.ഇ.ടി ഈവനിംഗ് കോഴ്സ് പ്രൊഫസറുടെ ഓഫീസില്‍ 19ന് വൈകീട്ട് 5 മണിക്ക് മുമ്പ് സമര്‍പ്പിക്കണം.

റാങ്ക് ലിസ്റ്റ് 22ന് പ്രസിദ്ധീകരിക്കും. അഡ്മിഷന്‍ 28നും വെയിറ്റിംഗ് ലിസ്റ്റിലേക്കുള്ള അഡ്മിഷന്‍ 31നും നടക്കും. ക്ലാസുകള്‍ ഒന്നിന് ആരംഭിക്കും. വിശദവിവരങ്ങള്‍ക്കും പ്രോസ്പെക്ടസിനും: www.dtekerala.gov.in, www.admissions.dtekerala.gov.in, www.cet.ac.in.