തിരുവനന്തപുരം: സംസ്ഥാനത്ത് പഴയ ചരക്കുവാഹനങ്ങളില്‍ ഇനി ഗ്ലോബല്‍ പൊസിഷനിംഗ് സിസ്റ്റം(ജിപിഎസ്) ഘടിപ്പിക്കേണ്ട. ചരക്കുവാഹന ഉടമകള്‍ നല്‍കിയ നിവേദനത്തെ തുടര്‍ന്നാണ് ജിപിഎസ് ഘടിപ്പിക്കുന്നത് ഒഴിവാക്കാന്‍ സര്‍ക്കാര്‍ തീരുമാനിച്ചത്.
ലൈറ്റ്, മീഡിയം, ഹെവി വാഹനങ്ങള്‍ക്കെല്ലാം ഇത് ബാധകമാകും. എന്നാല്‍ യാത്രാവാഹനങ്ങള്‍ക്ക് ഈ ഇളവ് ബാധകമാകില്ല. പുതിയ ചരക്കുവാഹനങ്ങള്‍ക്കും ജിപിഎസ് ഘടിപ്പിക്കേണ്ടത് നിര്‍ബന്ധമാണ്.
പഴയ വാഹനങ്ങള്‍ ഫിറ്റ്‌നസ് സര്‍ട്ടിഫിക്കറ്റ് പരിശോധനയ്ക്ക് വരുമ്പോള്‍ ജിപിഎസ് ഘടിപ്പിക്കണമെന്നായിരുന്നു വ്യവസ്ഥ. ഇതിനാണ് സര്‍ക്കാര്‍ ഇളവ് നല്‍കിയിരിക്കുന്നത്. സംസ്ഥാന മോട്ടോര്‍ വാഹന ചട്ടങ്ങളില്‍ ഇത് സംബന്ധിച്ച് ആവശ്യമായ ഭേദഗതി വരുത്താനും ഗതാഗത വകുപ്പ് മന്ത്രി നിര്‍ദേശം നല്‍കിയെന്നാണ് വിവരം.
Discussion about this post