ഏതാനും മാസത്തെ ഇടവേളയ്ക്ക് ശേഷം സംസ്ഥാനത്ത് കോവിഡ് രോഗവ്യാപനം കൂടുന്നു.
പുതുതായി 210 പേര്ക്ക് കോവിഡ് സ്ഥിരീകരിച്ചതായി ആരോഗ്യ വകുപ്പ് അറിയിച്ചു. ഏറ്റവും കൂടുതല് കോവിഡ് കേസുകള് എറണാകുളത്താണ്. 50 പേര്ക്കാണ് രോഗം സ്ഥിരീകരിച്ചത്. കഴിഞ്ഞ ദിവസം 172 പേര്ക്കാണ് കോവിഡ് സ്ഥിരീകരിച്ചത്. കൂടുതല് രോഗബാധിതര് തിരുവനന്തപുരത്തായിരുന്നു.
അതിനിടെ ആരോഗ്യ വകുപ്പ് സംസ്ഥാനത്ത് കോവിഡ് ജാഗ്രതാ നിര്ദേശം നല്കി. പ്രായമായവരും കുട്ടികളും ഗര്ഭിണികളും മാസ്ക് ധരിക്കണം. മതിയായ ഒരുക്കങ്ങള് നടത്താന് ജില്ലകള്ക്ക് നിര്ദേശം നല്കി.
ആവശ്യമായ സജ്ജീകരണങ്ങള് ഒരുക്കാന് ആശുപത്രികള്ക്കും ആരോഗ്യവകുപ്പ് നിര്ദേശംനല്കിയിട്ടുണ്ട്. രോഗികളുടെ എണ്ണം ഉയര്ന്നാല് ഐസിയു വെന്റിലേറ്ററുകള് കോവിഡ് ബാധിതര്ക്കായി മാറ്റിവെക്കണമെന്നും നിര്ദേശമുണ്ട്.
Discussion about this post