പാലക്കാട് കല്ലേപ്പുള്ളി മില്മ ഡയറിയില് അറ്റകുറ്റപ്പണിക്കിടെ അമോണിയം വാതകം ചോര്ന്നതായി സംശയം. ഇത് ശ്വസിച്ചതിനെത്തുടര്ന്ന് അസ്വസ്ഥതകളുണ്ടായെന്ന് സംശയിക്കുന്ന അഞ്ചുകുട്ടികളും സ്ത്രീകളുമുള്പ്പെടെ ഒന്പതുപേര് ജില്ലാ ആശുപത്രിയില് ചികിത്സതേടി.
ഇന്നലെ വൈകീട്ട് നാലുമണിയോടെയായിരുന്നു സംഭവം. പൈപ്പുകള് മാറ്റുന്നതിനിടെയാണ് അമോണിയം വാതകം ചോര്ന്നതെന്ന് നാട്ടുകാര് പറയുന്നു. വാതകം വ്യാപിച്ചതോടെ സമീപ പ്രദേശങ്ങളില് രൂക്ഷമായ ദുര്ഗന്ധം അനുഭവപ്പെട്ടിരുന്നു. െഇതിന് പിന്നാലെ കുട്ടികള്ക്കടക്കം ശ്വസംമുട്ടലും ഛര്ദ്ദിയും അനുഭവപ്പെട്ടെന്നും നാട്ടുകാര് പറഞ്ഞു. അഞ്ച് വിദ്യാര്ത്ഥിനികളടക്കം ഒന്പതു പേരാണ് ബുദ്ധിമുട്ടികളെ തുടര്ന്ന് ചികിത്സ തേടിയിരിക്കുന്നത്.
Discussion about this post