ഗ്രീസിൽ പാസഞ്ചർ ട്രെയിൻ ചരക്ക് ട്രെയിനുമായി കൂട്ടിയിടിച്ച് 32 പേർ കൊല്ലപ്പെട്ടു. 85 പേർക്ക് പരിക്കേറ്റു. ചൊവ്വാഴ്ച രാത്രി ഏതൻസിൽ നിന്നും തെസനോലിക്കയിലേക്ക് പോകുന്നതിനിടെ ലാരിസയിൽ വെച്ചാണ് അപകടമുണ്ടായത്. അപകടസമയം 350ഓളം ആളുകൾ ട്രെയിനിലുണ്ടായിരുന്നു. ഇടിയുടെ ആഘാതത്തിൽ ആദ്യ മൂന്ന് കോച്ചുകളിൽ തീ പടർന്നു. ട്രെയിനിനുള്ളിൽ നിന്നും 250 ഓളെ ആളുകളെ സുരക്ഷിതമായി മാറ്റിയെന്ന് അധികൃതർ അറിയിച്ചു.
Sadly number of ppl killed in train accident in #Greece has gone up to 16 with dozens injured pic.twitter.com/qUfZ7Nzdam
— Arthur Morgan (@ArthurM40330824) March 1, 2023
പാസഞ്ചർ ട്രെയിൻ പൂർണമായും തകർന്നു. ട്രെയിനിന്റെ കോച്ചുകളിൽ തീ പടർന്നതോടെ രക്ഷാപ്രവർത്തനം ദുസഹമായിരുന്നു. ഏറെ നേരത്തെ പരിശ്രമത്തിനൊടുവിലാണ് തീ അണച്ചത്. ഇപ്പോഴും രക്ഷാപ്രവർത്തനം പുരോഗമിക്കുകയാണെന്ന് തെസ്സാലി ഗവർണർ കോൺസ്റ്റാന്റിനസ് അഗ്രാസ്റ്റോസ് പറഞ്ഞു. അതേസമയം അപകടത്തെ തുടർന്ന് ആശുപത്രിയിൽ പ്രവേശിപ്പിച്ച പലരുടെയും നില ഗുരുതരമായതിനാൽ മരണസംഖ്യ ഉയരാൻ സാധ്യതയുണ്ട്.
Discussion about this post