യുവസംവിധായക നയന സൂര്യയുടെ മരണം കൊലപാതമെന്ന് സൂചന. കഴുത്ത് ശക്തമായി ഞെരിഞ്ഞിരുന്നുവെന്നാണ് പോസ്റ്റമോര്ട്ടം റിപ്പോര്ട്ടില് പറയുന്നത്. ഈ കണ്ടെത്തല് കൊലപാതക സാധ്യതയിലേക്ക് വിരല് ചൂണ്ടുന്നു. 2019 ഫെബ്രുവരി 24നായിരുന്നു തിരുവനന്തപുരത്തെ മുറിക്കുള്ളില് നയനയെ മരിച്ച നിലയില് കണ്ടെത്തിയത്. പോസ്റ്റ്മോര്ട്ടത്തില് നിര്ണായക കണ്ടെത്തലുകളാണ് ഉള്ളത്.
കഴുത്തിനു ചുറ്റും ഉരഞ്ഞുണ്ടായ നിരവധി മുറിവുകളുണ്ട്, അടിവയറ്റില് ചവിട്ടേറ്റത് പോലെയുള്ള ക്ഷതവും, ആന്തരികാവയവങ്ങളില് രക്തസ്രാവമുണ്ടായി.
അസ്വഭാവിക മരണത്തിനു കേസെടുത്തെങ്കിലും അന്വേഷണം വഴി മുട്ടിയ നിലയിലാണ് ഇപ്പോള്. നയനയുടെ മരണത്തിന് പിന്നിലെ ദുരൂഹതയില് വിശദമായ അന്വേഷണം നടത്തണമെന്നാണ് നയനയുടെ സുഹൃത്തുക്കളുടെ ആവശ്യം.
പത്തുവര്ഷത്തോളമായി സംവിധായകന് ലെനിന് രാജേന്ദ്രന്റെ സഹസംവിധായികയായിരുന്നു നയന സൂര്യ. ‘ക്രോസ് റോഡ്’ എന്ന ആന്തോളജി സിനിമയില് ‘പക്ഷികളുടെ മണം’ എന്ന ചിത്രം നയനയാണ് സംവിധാനം ചെയ്തത്. നിരവധി പരസ്യ ചിത്രങ്ങളും നയന ഒരുക്കിയിട്ടുണ്ട്.
Discussion about this post