തൊടുപുഴ: തൊടുപുഴയിൽ ബൈക്ക് യാത്രക്കാരന്റെ കഴുത്തിൽ കയർ കുരുങ്ങി അപകടമുണ്ടായ സംഭവത്തിൽ കരാറുകാരനെ പോലീസ് അറസ്റ്റ് ചെയ്തു. കാരിക്കോട് തെക്കുംഭാഗം റോഡിന്റെ നിർമ്മാണ പ്രവർത്തിക്ക് കരാർ എടുത്ത നസീർ പി.മുഹമ്മദിനെയാണ് തൊടുപുഴ പോലീസ് അറസ്റ്റ് ചെയ്തത്.
മുന്നറിയിപ്പ് ബോർഡ് ഇല്ലാതെ കയർ റോഡിന് കുറുകെ ഇട്ടതിനും അശ്രദ്ധമായി അപകടമുണ്ടാകുന്ന തരത്തിൽ പൊതുമരാമത്ത് പണികൾ നടത്തിയതിനുമാണ് അറസ്റ്റ് ചെയ്തത്.
സംഭവത്തില് പൊതുമരാമത്ത് വകുപ്പ് ഉദ്യോഗസ്ഥനെതിരെ നേരത്തെ കേസെടുത്തിരുന്നു. നിര്മ്മാണ ചുമതലയുള്ള അസിസ്റ്റന്റ് എഞ്ചിനീയര്ക്കെതിരെയാണ് കേസെടുത്തിരിക്കുന്നത്. ബൈക്ക് യാത്രക്കാരനായ ജോണിയുടെ പരാതിയില് കരാറുകാരനെതിരെയും തൊടുപുഴ പോലീസ് കേസെടുത്തു. കരാറുകാരന് വിഴ്ച്ച പറ്റിയിട്ടുണ്ടെന്ന് പ്രാഥമിക പരിശോധനയില് വ്യക്തമായിരുന്നു.
കാരിക്കോട് തെക്കുംഭാഗം റോഡില് ടൈല് പാകുന്നതിന്റെ ഭാഗമായി കുരിശുപള്ളിക്ക് സമീപമാണ് റോഡിന് കുറുകെ കരാറുകാരന് കയര് കെട്ടിയത്. വഴി തടസപെടുത്തുമ്പോള് വെക്കുന്ന മുന്നറിയിപ്പ് ബോര്ഡുകള് സ്ഥലത്ത് സ്ഥാപിച്ചിരുന്നില്ല.
ചെറിയ കയറായതിനാല് സ്കൂട്ടറില് യാത്രചെയ്ത് ജോണി അതില് കുരുങ്ങി. ഒപ്പമുണ്ടായിരുന്ന ഭാര്യയുടെ നിലവിളി കേട്ട് ഓടികൂടിയ നാട്ടുകാരാണ് ജോണിയെ ആശുപത്രിയിലെത്തിച്ചത്. ജോണിക്ക് പരിക്ക് പറ്റിയെന്നറയിച്ചിട്ടും പൊതുമരാമത്ത് ഉദ്യോഗസ്ഥര് തിരിഞ്ഞുനോക്കിയില്ലെന്ന് നാട്ടുകാര് പറഞ്ഞു.
Discussion about this post