കോവിഡ് നിയന്ത്രണങ്ങള് ലംഘിച്ചതിന് സംസ്ഥാനത്ത് രജിസ്റ്റര് ചെയ്ത കേസുകള് പിന്വലിക്കാന് സര്ക്കാര് ഒരുങ്ങുന്നു. ഇത് സംബന്ധിച്ചു അന്തിമ തീരുമാനമെടുക്കാന് മുഖ്യമന്ത്രി ഈ മാസം 29ന് ഉന്നതതല യോഗം വിളിച്ചു. ചീഫ് സെക്രട്ടറി, ആഭ്യന്തര സെക്രട്ടറി, നിയമസെക്രട്ടറി, ഡിജിപി എന്നിവരുടെ യോഗമാണ് വിളിച്ചിരിക്കുന്നത്.
ഗൗരവമേറിയ കേസുകള് ഒഴികെ മറ്റ് കേസുകള് പിന്വലിക്കാനാണ് നീക്കം. അധികൃതരെ കൈയേറ്റം ചെയ്തവര്ക്കെതിരായ നടപടികള് തുടരും. ചെറിയ കുറ്റകൃത്യങ്ങളുടെ പേരില് കേസും കോടതിയുമായി വലയുന്ന ആയിരക്കണക്കിന് ആളുകള്ക്ക് ഇത് ആശ്വാസമാകും.
കൊവിഡ് കേസുകള് കുതിച്ചുയര്ന്ന രണ്ടുവര്ഷത്തിനിടെ ഏഴു ലക്ഷം കേസുകളാണ് പൊലീസ് രജിസ്റ്റര് ചെയത്. കേരള സര്ക്കാര് പാസാക്കിയ പകര്ച്ചാ വ്യാധി നിയന്ത്രണ നിയമം അനുസരിച്ചാണ് കേസുകളെടുത്തത്. മാസ്ക്ക് ധരിക്കാത്തിന് 500 രൂപ മുതല് കോവിഡ് നിയന്ത്രണങ്ങള് ലംഘിച്ചതിന് 25,000 രൂപ വരെ പിഴ പൊലീസ് ഈടാക്കി. നിയന്ത്രണം ലംഘിച്ച് റോഡിലിറങ്ങിയ വാഹനങ്ങള് പിടിച്ചെടുത്ത് പിഴയും ഈടാക്കി.
Discussion about this post