തിരുവനന്തപുരം: ബംഗാള് ഉള്ക്കടലില് സ്ഥിതി ചെയ്യുന്ന ന്യൂനമര്ദ്ദം 36 മണിക്കൂറിനുള്ളില് ശക്തി പ്രാപിക്കാന് സാധ്യത. മധ്യ പടിഞ്ഞാറന് ബംഗാള് ഉള്ക്കടലില് ആന്ധ്രാ – ഒഡിഷ തീരത്തിനു അകലെയായാണ് നിലവില് ന്യൂനമര്ദ്ദം സ്ഥിതി ചെയ്യുന്നത്. ഇതിന്റെ സ്വാധീനഫലമായി വെള്ളിയാഴ്ച മുതല് ഞായറാഴ്ച വരെ വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഈ ദിവസങ്ങളില് ഒറ്റപ്പെട്ട ശക്തമായ മഴയ്ക്കും സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.മണ്സൂണ് പാത്തി അതിന്റെ സാധാരണ സ്ഥാനത്തുനിന്നും തെക്കോട്ടു മാറി സ്ഥിതി ചെയുന്നു. അടുത്ത അഞ്ചു ദിവസം തല്സ്ഥിതി തുടരാന് സാധ്യതയെന്നും കാലാവസ്ഥ വകുപ്പ് അറിയിച്ചു.
ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് കേരള തീരത്ത് നിന്നും വെള്ളിയാഴ്ച മത്സ്യബന്ധനത്തിനു പോകാന് പാടില്ലെന്നും കാലാവസ്ഥ വകുപ്പ് അറിയിച്ചു. ശനിയും ഞായറും കോഴിക്കോട്, കണ്ണൂര്, കാസര്കോട് ജില്ലകളില് ശക്തമായ മഴയാണ് പ്രവചിക്കുന്നത്.
Discussion about this post