തിരുവനന്തപുരം: സംസ്ഥാനത്ത് ഇന്ന് രാത്രി എട്ട് ജില്ലകളില് കൂടുതല് മഴ സാധ്യതയെന്ന് കാലാവസ്ഥ വകുപ്പ്. പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് രാത്രി പത്ത് മണിവരെയുള്ള സമയത്ത് കൂടുതല് മഴയ്ക്ക് സാധ്യതയുള്ളത്. ഒറ്റപ്പെട്ടയിടങ്ങളില് മിതമായ മഴയ്ക്ക് സാധ്യതയാണ് ഈ ജില്ലകളിലുള്ളത്. മറ്റു ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കാണ് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം നാളെമുതല് മഴ വീണ്ടും കനത്തേക്കും. നാളെ വടക്ക് പടിഞ്ഞാറന് ബംഗാള് ഉള്കടലില് ന്യുനമര്ദ്ദം രൂപപ്പെട്ടേക്കും. മണ്സൂണ് പാത്തി തെക്കോട്ടു മാറി സ്ഥിതി ചെയ്യുന്നുതിന്റെ സ്വാധീനത്താല് കേരളത്തില് ഓഗസ്റ്റ് 9 വരെ വ്യാപകമായ മഴയ്ക്കും ഒറ്റപ്പെട്ട ശക്തമായ മഴക്കും സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്.
Discussion about this post