ചെന്നൈ: അണ്ണാ ഡിഎംകെയിലെ തമ്മിലടി പുതിയ തലത്തിലേക്ക്. മുന് മുഖ്യമന്ത്രിയും ജയലളിതയും വിശ്വസ്തനുമായിരുന്ന ഒ പനീര്ശെല്വത്തെ പാര്ട്ടിയില് നിന്ന് പുറത്താക്കി. അണ്ണാ ഡിഎംകെയുടെ പ്രാഥമിക അംഗത്വത്തില്നിന്നു ഒപിഎസിനെ പുറത്താക്കിയെന്ന് പളനിസ്വാമി ഗ്രൂപ്പ് അറിയിച്ചു.
പനീര്ശെല്വത്തോട് ഒപ്പമുള്ളവരെയും പുറത്താക്കാന് ഇന്നു ചേര്ന്ന പാര്ട്ടി ജനറല് കൗണ്സില് യോഗം തീരുമാനിച്ചു. എന്നാല് തന്നെ പുറത്താക്കാനുള്ള അവകാശം എടപ്പാടി പളനിസ്വാമിക്ക് ഇല്ലെന്നും പാര്ട്ടിയില് നിന്ന് അദ്ദേഹത്തെ പുറത്താക്കുമെന്നും പനീര്ശെല്വം പറഞ്ഞു.
കൗണ്സില് യോഗത്തില് മുതിര്ന്ന നേതാവ് നത്തം ആര് വിശ്വനാഥന് കൊണ്ടുവന്ന പ്രമേയത്തിലൂടെയാണ് പനീര്ശെല്വത്തെയും അദ്ദേഹത്തിന്റെ അടുത്ത അനുയായികളെയും നീക്കിയത്. വലിയ കരഘോഷത്തോടെയാണ് ജനറല് കൗണ്സില് പ്രമേയം അംഗീകരിച്ചത്.
പനീര്ശെല്വം ഭരണകക്ഷിയായ ഡിഎംകെയ്ക്കൊപ്പം നില്ക്കുന്നുവെന്നും പാര്ട്ടിയെ ദുര്ബലപ്പെടുത്താന് ശ്രമിക്കുന്നതായും പ്രമേയത്തില് പറയുന്നു. പാര്ട്ടി താല്പര്യങ്ങള്ക്കും ലക്ഷ്യത്തിനും വിരുദ്ധമായാണ് ഒപിഎസ് പ്രവര്ത്തിക്കുന്നതെന്നാണ് പളനിസ്വാമി ഗ്രൂപ്പിന്റെ വാദം.
Discussion about this post