ആലപ്പുഴ: ആലപ്പുഴയില് പോപ്പുലര് ഫ്രണ്ട് റാലിക്കിടെ കുട്ടി പ്രകോപനപരമായ മുദ്രാവാക്യം വിളിച്ച സംഭവത്തില് അന്വേഷണം. പൊലീസ് രഹസ്യാന്വേഷണ വിഭാഗമാണ് അന്വേഷണം ആരംഭിച്ചത്. റാലിയില് പങ്കെടുത്ത ഒരാളുടെ തോളത്തിരുന്ന് ചെറിയ കുട്ടി ക്രൈസ്തവര്ക്കും ഹിന്ദുക്കള്ക്കുമെതിരേ പ്രകോപനപരമായി മുദ്രാവാക്യം വിളിക്കുന്ന ദൃശ്യങ്ങള് സമൂഹമാധ്യമങ്ങളില് വൈറലായിരുന്നു.
വിവിധ മത വിഭാഗങ്ങളെ വെല്ലുവിളിക്കുന്ന മുദ്രാവാക്യമാണ് പത്തുവയസ് പോലും തോന്നിക്കാത്ത കുട്ടി വിളിച്ചത്. കുട്ടി റാലിയില് പങ്കെടുത്തിരുന്നു എന്നും വിളിച്ചത് സംഘാടകര് നല്കിയ മുദ്രാവാക്യമല്ലെന്നും പോപ്പുലര് ഫ്രണ്ട് ഭാരവാഹികള് സൂചിപ്പിച്ചു.
ആലപ്പുഴ കല്ലുപാലത്ത് നിന്ന് ബീച്ചിലേക്ക് നടന്ന പോപ്പുലര് ഫ്രണ്ട് റാലിക്കിടെയായിരുന്നു കൊച്ചു കുട്ടിയുടെ പ്രകോപനപരമായ മുദ്രവാക്യം ഉയര്ന്നത്. കഴിഞ്ഞ ശനിയാഴ്ചയായിരുന്നു പോപ്പുലര് ഫ്രണ്ടിന്റെ നേതൃത്വത്തില് ജനമഹാ സമ്മേളനം നടന്നത്.
Discussion about this post