കൊച്ചി: പുതുമുഖ നടിയെ പീഡിപ്പിച്ച കേസില് പ്രതിയായ നടനും നിര്മാതാവുമായ വിജയ് ബാബു ദുബായില് നിന്ന് ജോര്ജിയയിലേക്ക് കടന്നതായി വിവരം.കോടതി നടപടികള് നീണ്ടുപോകുന്നതിനാലാണ് വിജയ്ബാബു ജോര്ജിയയിലേക്ക് കടന്നതെന്നാണ് സൂചന.ഇന്ത്യയുമായി കുറ്റവാളികളെ കൈമാറാന് ധാരണയില്ലാത്ത രാജ്യമാണ് ജോര്ജിയ.ഈ സാഹചര്യത്തില് റെഡ് കോര്ണര് നോട്ടീസ് പുറപ്പെടുവിക്കാനാണ് പോലീസ് ഉദ്ദേശിക്കുന്നത്.
വിജയ് ബാബുവിന്റെ പാസ്പോര്ട്ട് റദ്ദാക്കിയ പൊലീസ് വിസയും റദ്ദാക്കാനുള്ള നടപടികള് തുടങ്ങിയിട്ടുണ്ട്.നേരത്തെ മെയ് 19-ന് പാസ്പോര്ട്ട് ഓഫീസര് മുന്പാകെ ഹാജരാകാമെന്ന് വിജയ് ബാബു അറിയിച്ചിരുന്നുവെങ്കിലും വിദേശത്ത് ഒളിവില് തുടരുകയായിരുന്നു.
താന് ബിസിനസ് ടൂറിലാണെന്നും മെയ് 24ന് മാത്രമേ എത്തുകയുള്ളുവെന്നും വിജയ് ബാബു പാസ്പോര്ട്ട് ഓഫീസറെ അറിയിച്ചു. ഇതേ തുടര്ന്ന് പോലീസ് നടത്തിയ അന്വേഷണത്തിലാണ് വിജയ്ബാബു ജോര്ജിയയിലേക്ക് കടന്നതായി വവരം ലഭിച്ചത് . വീജയ്ബാബുവിന്റെ മുന്കൂര് ജാമ്യഹര്ജി ഹൈക്കോടതി തിങ്കളാഴ്ച മാത്രമേ ഇനി പരിഗണിക്കുകയുള്ളു.
Discussion about this post