തിരുവനന്തപുരം: ആരോഗ്യ മന്ത്രി വീണ ജോര്ജിനെതിരെ രൂക്ഷ വിമര്ശനങ്ങളുമായി ഡെപ്യൂട്ടി സ്പീക്കര് ചിറ്റയം ഗോപകുമാര്. പത്തനംതിട്ട ജില്ലയുടെ ചുമതലയുള്ള മന്ത്രി എംഎല്എമാരെ ഏകോപിപ്പിക്കുന്നതില് വന് പരാജയമാണെന്നാണ് ഡെപ്യൂട്ടി സ്പീക്കറുടെ ആരോപണം. മന്ത്രി കൂടിയാലോചനകള് നടത്തുന്നില്ലെന്നും വിളിച്ചാല് ഫോണ് എടുക്ക്ാറില്ലെന്നും അടൂര് എംഎല്എ കൂടിയായ ചിറ്റയം ഗോപകുമാര് ആരോപിച്ചു. പതിവായി അവഗണിക്കുന്നുവെന്ന് ചൂണ്ടിക്കാട്ടി സംസ്ഥാന സര്ക്കാരിന്റെ എന്റെ കേരളം പ്രദര്ശന മേളയുടെ ഉദ്ഘാടനത്തില് ഡെപ്യൂട്ടി സ്പീക്കര് പങ്കെടുത്തിരുന്നില്ല.
അധ്യക്ഷത വഹിക്കേണ്ട പരിപാടിയെ കുറിച്ച് അറിയിപ്പ് കിട്ടിയത് തലേന്ന് രാത്രിയാണ്. അതുകൊണ്ട് കൂടിയാണ് പ്രദര്ശന മേളയുടെ ഉദ്ഘാടനത്തില് പങ്കെടുക്കാതിരുന്നത്. യുഡിഎഫ് സര്ക്കാരിന്റെ കാലത്ത് പോലും ഇതുപോലെ അവഗണിക്കപ്പെട്ടിട്ടില്ലെന്നും ചിറ്റയം ഗോപകുമാര് പറയുന്നു.
വികസന പദ്ധതികളിലും അവഗണനയുണ്ടെന്നും ഡെപ്യൂട്ടി സ്പൂക്കര് തുറന്നടിക്കുന്നു. ഇതോടെ മന്ത്രി പങ്കെടുക്കുന്ന പരിപാടികളില് നിന്ന് പൂര്ണയായും വിട്ടു നിന്ന് തിരിച്ചടിക്കുകയാണ് ചിറ്റയം ഗോപകുമാര്. പത്തനംതിട്ട ജില്ലയിലെ വിവിധ ഇടങ്ങളില് സിപിഐ- സിപിഐഎം സംഘര്ഷം തമ്മില് തല്ലുന്ന ഘട്ടം വരെ എത്തിയതിന് പിന്നാലെയാണ് മന്ത്രി ഡെപ്യൂട്ടി സ്പീക്കര് പോര് മുറുകുന്നത്.
Discussion about this post