ബ്ലോഗറും യൂട്യൂബറുമായ റിഫ മെഹ്നുവിന്റെ ദുരൂഹ മരണത്തില് ഭര്ത്താവ് മെഹ്നാസിനെതിരെ കാക്കൂര് പൊലീസ് കേസെടുത്തു. ആത്മഹത്യാപ്രേരണാ കുറ്റത്തിനാണ് കേസ്.
306, 498 എ ഉള്പ്പെടെയുള്ള വകുപ്പുകള് ചേര്ത്താണ് കേസ്. 10 വര്ഷം വരെ തടവ് ലഭിക്കാവുന്ന കുറ്റങ്ങളാണു ചുമത്തിയത്. റിഫയെ മാര്ച്ച് ഒന്നിന് പുലര്ച്ചെയാണ് ദുബായ് ജാഹിലിയയിലെ ഫ്ളാറ്റില് മരിച്ച നിലയില് കണ്ടത്.
യൂട്യൂബിലെ ലൈക്കിന്റെയും സബ്സ്ക്രിബ്ഷന്റെയും പേരില് മെഹ്നാസ് റിഫയെ മാനസികമായും ശാരീരികമായും പീഡിപ്പിച്ചിരുന്നെന്ന് പോലീസ് പറഞ്ഞു. മാനസികമായും ശാരീരികമായുമുള്ള പീഡനം റിഫയുടെ മരണത്തിനു കാരണമായെന്നാണ് കാക്കൂര് പൊലീസ് നടത്തിയ പ്രാഥമിക അന്വേഷണത്തില് വ്യക്തമായത്. റിഫയുടെ മൃതദേഹം നാട്ടില് കൊണ്ടുവന്നാണു സംസ്കരിച്ചത്. മരണത്തില് ദുരൂഹതയുള്ളതിനാല് മെഹ്നാസിനെതിരെ കേസെടുക്കണമെന്നു റിഫയുടെ പിതാവും മാതാവും സഹോദരനും റൂറല് എസ്പി എ.ശ്രീനിവാസിനു പരാതി നല്കിയിരുന്നു.
Discussion about this post