തിരുവനന്തപുരം: സംസ്ഥാനത്ത് ഇന്ന് വൈകീട്ട് വൈദ്യുതി നിയന്ത്രണമേര്പ്പെടുത്തുമെന്ന് കെഎസ്ഇബി അറിയിച്ചു. 15 മിനിറ്റോളമായിരിക്കും നിയന്ത്രണമുണ്ടാകുക.നഗരങ്ങളെയും ആശുപത്രികളെയും നിയന്ത്രണത്തില് നിന്ന് ഒഴിവാക്കിയിട്ടുണ്ട്.
കേന്ദ്രപൂളില് നിന്നും കേരളത്തിന് ലഭിക്കേണ്ട വൈദ്യുതിയില് കുറവുണ്ടാവുന്ന സാഹചര്യത്തിലാണ് ഇന്ന് വൈകീട്ട് 6.30 മുതല് 11.30 വരെയുള്ള സമയത്ത് 15 മിനിറ്റ് വൈദ്യുതി നിയന്ത്രണം ഏര്പ്പെടുത്താന് കെഎസ്ഇബി തീരുമാനിച്ചത്.
ഇന്ന് 4580 മെഗാവാട്ട് വൈദ്യുതിയാണ് ഇന്ന് രാത്രി വരെ സംസ്ഥാനത്തിന് വേണ്ടി വരിക എന്നാണ് കണക്ക്. എന്നാല് കേരളത്തിന് വൈദ്യുതി നല്കുന്ന ജാര്ഖണ്ഡിലെ മൈഥോണ് പവര് സ്റ്റേഷനില് കല്ക്കറി ക്ഷാമം മൂലം ഉത്പാദനം കുറച്ചിട്ടുണ്ട്. ഈ സാഹചര്യത്തില് കേരളത്തിന് കിട്ടേണ്ട വൈദ്യുതിയില് 400 മുതല് 500 മെഗാവാട്ട് വരെ വൈദ്യുതിയുടെ കുറവ് ഉണ്ടാവും. ഈ സാഹചര്യത്തിലാണ് പ്രതിസന്ധി മറികടക്കാന് വൈദ്യുതി നിയന്ത്രണം ഇന്നത്തേക്ക് ഏര്പ്പെടുത്തിയത്.
Discussion about this post