തിരുവനന്തപുരം: കെ റെയില് സംഘടിപ്പിച്ച സില്വര്ലൈന് സംവാദത്തില് കാണികളില് നിന്നും ചോദ്യമുയര്ന്നു. ആദ്യം കെഎസ്ആര്ടിസിയെ നന്നാക്കിക്കൂടെ എന്നായിരുന്നു പൊതുപ്രവര്ത്തകന് മുണ്ടേല ബഷീര് ചോദിച്ചത്. ചോദ്യത്തിന് കെ റെയില് എംഡി മറുപടി പറയണം എന്നായിരുന്നു ആവശ്യം. എന്നാല് ഈ ചോദ്യത്തിന് മറുപടി പറയാതെ ചര്ച്ച തുടരുകയായിരുന്നു.
‘കെ റെയില് എന്നത് ഒരു കോര്പ്പറേഷനാണ്, പൊതുഗതാഗത്തിന് വേണ്ടിയുള്ളതാണ്. നിലവില് നമുക്കൊരു കോര്പ്പറേഷനുണ്ട്, കെഎസ്ആര്ടിസി. അതിന്റെ സ്ഥിതിയെന്താണ്? അത് മെച്ചപ്പെടുത്താന് നമുക്കൊരു വഴി കണ്ടുകൂടെ. ഉള്ളതിനെ മെച്ചപ്പെടുത്തുക. അതിന്റെ പരമാവധി പ്രയോജനം എടുക്കുക. അതില് നിന്ന് പരമാവധി നേട്ടം കൊയ്യുക. അതൊരു സാധാരണ എക്കണോമിക്സാണ്’. അങ്ങനെ വരുമ്പോള് കെ റെയില് അധികപ്പറ്റല്ലേ എന്നായിരുന്നു മുണ്ടേല ബഷീറിന്റെ ചോദ്യം.
അതേസമയം സംവാദത്തില് ശക്തമായ വിയോജിപ്പ് രേഖപ്പെടുത്തിയ ആര്വിജി മേനോന് അതിവേഗപാതയ്ക്ക് പകരം ബദല് മാര്ഗം അവതരിപ്പിച്ചു. എന്നാല് സില്വര് ലൈന് കേരളത്തിന്റെ വികസനത്തിന് അത്യന്താപേക്ഷിതമാണ് എന്നായിരുന്നു മറ്റ് പാനലിസ്റ്റുകള് വാദിച്ചത്.
Discussion about this post