കണ്ണൂര്: സിപിഐഎം പാര്ട്ടി കോണ്ഗ്രസിലെ സെമിനാറില് മുതിര്ന്ന കോണ്ഗ്രസ് നേതാവ് കെ വി തോമസ് പങ്കെടുക്കുമോയെന്ന് ഇന്നറിയാം. തന്റെ രാഷ്ട്രീയ നിലപാട് വ്യക്തമാക്കി കെ വി തോമസ് രാവിലെ 11ന് കൊച്ചിയിലെ വസതിയില് മാധ്യമങ്ങളെ കാണും. എഐസിസി വിലക്ക് ലംഘിച്ച് സിപിഐഎം സെമിനാറില് പങ്കെടുത്താല് പാര്ട്ടിക്ക് പുറത്ത് പോകേണ്ടി വരുമെന്ന താക്കീത് കെപിസിസി നേതൃത്വവും പുറപ്പെടുവിച്ചിട്ടുണ്ട്.
പാര്ട്ടിക്ക് പുറത്തു പോകണമെന്ന് ആഗ്രമുണ്ടെങ്കിലേ കെ വി തോമസ് സിപിഐഎം സെമിനാറില് പങ്കെടുക്കൂവെന്ന് കെപിസിസി അധ്യക്ഷന് കെ സുധാകരന് ഇന്നലെ ഡല്ഹിയില് പറഞ്ഞിരുന്നു. സിപിഐഎം പാര്ട്ടി കോണ്ഗ്രസ് സെമിനാറില് കെ വി തോമസ് പങ്കെടുക്കില്ല എന്നാണ് പ്രതീക്ഷിക്കുന്നത്.
സെമിനാറില് പങ്കെടുക്കുമെന്ന് എവിടെയും പറഞ്ഞിട്ടില്ലെന്നാണ് കെ വി തോമസ് തന്നോട് പറഞ്ഞത്. കെ.വി.തോമസ് പാര്ട്ടി നിലപാടിനൊപ്പം നില്ക്കുമെന്നാണ് പ്രതീക്ഷിക്കുന്നത്. ദേശീയ തലത്തിലെ നിലപാടല്ല കേരളത്തില് സിപിഐഎമ്മിന്. അവരോട് സഖ്യത്തിന്റെ ആവശ്യമില്ല. സ്വന്തം പാര്ട്ടി പ്രവര്ത്തകരുടെ ചോര വീണ മണ്ണില് സിപിഎമ്മുമായി കൈ കൊടുക്കാന് ആകില്ലെന്നും സുധാകരന് പറഞ്ഞു.
Discussion about this post