ന്യൂഡല്ഹി: സില്വര് ലൈന് പദ്ധതിയുമായി ബന്ധപ്പെട്ട സാമൂഹ്യ ആഘാത പഠനത്തിനുള്ള സര്വേ നടപടികളുമായി സര്ക്കാരിന് മുന്നോട്ടുപോകാമെന്ന് സുപ്രീം കോടതി. സാമൂഹ്യ ആഘാത പഠനത്തിനുള്ള സര്വേ തടയണമെന്ന് ആവശ്യപ്പെട്ട് നല്കിയ ഹര്ജി സുപ്രീം കോടതി തള്ളി.
എന്തിനാണ് സര്വേ നടത്തുന്നതില് മുന്ധാരണകളെന്ന് കോടതി ചോദിച്ചു. ജസ്റ്റിസ് എം ആര് ഷാ അധ്യക്ഷനായ ബെഞ്ചാണ് ഹര്ജി തള്ളിയത്.
സര്വേ തുടരാമെന്ന ഹൈക്കോടതി നിലപാട് ചോദ്യം ചെയ്താണ് സുപ്രിംകോടതിയില് ഹര്ജിയെത്തിയത്. പദ്ധതിയുടെ സര്വേ നടപടികള് ഉടന് സ്റ്റേ ചെയ്യണമെന്ന് ഹര്ജിയില് ആവശ്യപ്പെട്ടിരുന്നു. എറണാകുളം ആലുവ സ്വദേശി സുനില് ജെ അറകാലനാണ് ഹര്ജിയുമായി കോടതിയെ സമീപിച്ചത്.
സില്വര് ലൈനിനെതിരേ വിവിധ ഭാഗങ്ങളില്നിന്ന് കടുത്ത വിമര്ശനം ഉയരുന്ന സാഹചര്യത്തില് സംസ്ഥാന സര്ക്കാരിന് ആശ്വാസകരമാണ് സുപ്രീം കോടതി ഉത്തരവ്.
Discussion about this post