കൊച്ചി: നടിയെ ആക്രമിച്ച കേസില് ക്രൈംബ്രാഞ്ച് ചോദ്യം ചെയ്യലിനായി നടന് ദിലീപ് ഹാജരായി. തുടര് അന്വേഷണത്തിന്റെ ഭാഗമായാണ് ചോദ്യം ചെയ്യല്. ആലുവ പൊലീസ് ക്ലബ്ബിലാണ് ദിലീപിനെ ചോദ്യം ചെയ്യുന്നത്.
നടിയെ ആക്രമിച്ച് പകര്ത്തിയ ദൃശ്യങ്ങള് ദിലീപിന്റെ പക്കല് എത്തിയോ, മുഖ്യപ്രതിയുമായുളള ദിലീപിന്റെ അടുപ്പം സംബന്ധിച്ച് സംവിധായകന് ബാലചന്ദ്രകുമാര് അടക്കമുളളവര് നല്കിയിരിക്കുന്ന മൊഴി, കേസ് അട്ടിമറിക്കാനും സാക്ഷികളെ സ്വാധീനിക്കാനും നടത്തിയ ശ്രമങ്ങള് എന്നിവയെല്ലാമാണ് ദിലീപില് നിന്ന് ചോദിച്ചറിയുക.
ദിലീപിന്റെഫാണില് നിന്ന് നശിപ്പിച്ച വിവരങ്ങളില് വിചാരണ കോടതി രേഖകളുമുണ്ടെന്ന് ഹാക്കറുടെ മൊഴി പുറത്ത് വന്നിരുന്നു. ഒരിക്കലും പുറത്ത്പോകാന് പാടില്ലാത്ത കോടതി രേഖകളാണ് ഇതെന്ന് അഭിഭാഷകന് പറഞ്ഞെന്നാണ് ഹാക്കര് സായ് ശങ്കറിന്റെ മൊഴി. കോടതി രേഖകളില് ചിലത് സായ് ശങ്കറിന്റെ വീട്ടില് നിന്ന് ക്രൈം ബ്രാഞ്ച് കണ്ടെത്തി.
Discussion about this post