തിരുവനന്തപുരം: കേന്ദ്രസര്ക്കാരിന്റെ തൊഴില് നയങ്ങള്ക്കെതിരെ വിവിധ തൊഴിലാളി സംഘടനകള് ആഹ്വാനം ചെയ്ത രാജ്യവ്യാപക പണിമുടക്ക് പുരോഗമിക്കുന്നു. ആദ്യ മണിക്കൂറുകളില് ജനജീവിതം സ്തംഭിപ്പിച്ചു. ബിഎംഎസ് ഒഴികെ ഇരുപതോളം തൊഴിലാളി സംഘടനകളാണ്
48 മണിക്കൂര് ദേശീയ പണിമുടക്കില് പങ്കെടുക്കുന്നത്. പൊതുമേഖല ബാങ്കുകളുടെ സ്വകാര്യവല്ക്കരണത്തിനെതിരെ ബാങ്കിങ് സംഘടനകളും പണിമുടക്കില് പങ്കെടുക്കുന്നുണ്ട്. ഇന്ന് അര്ധരാത്രി ആരംഭിച്ച പണിമുടക്ക് 29ാം തീയതി വൈകീട്ട് ആറ് മണി വരെ തുടരും.
വാണിജ്യ വ്യാപാര സ്ഥാപനങ്ങളിലേയും, മോട്ടോര് വാഹന മേഖലയിലേയും തൊഴിലാളികള് പണിമുടക്കില് പങ്കെടുക്കുന്നതിനാല് കേരളത്തിലെ ജനജീവിതവും സ്തംഭിച്ചു. പാല്, പത്രം, ആശുപത്രി, കൊവിഡ് പ്രതിരോധ പ്രവര്ത്തനങ്ങള്, വിനോദ സഞ്ചാരികളുടെ യാത്ര എന്നിവയെ പണിമുടക്കില് നിന്ന് ഒഴിവാക്കിയിട്ടുണ്ട്.
അതേസമയം, മത്സ്യമേഖലയെ ഇന്നത്തെ പണിമുടക്ക് ബാധിച്ചിട്ടില്ല. ഡീസല് വില വര്ധന ഉള്പ്പെടെ ഉള്ള ആവശ്യങ്ങള് ഉയര്ത്തി കഴിഞ്ഞയാഴ്ച മല്സ്യ തൊഴിലാളികള് രണ്ട് ദിവസം പണിമുടക്കിയിരുന്നു. ഈ സാഹചര്യത്തിലാണ് മല്സ്യ മേഖലയില് ഇന്നത്തെ പണിമുടക്ക് ശക്തമായി നടപ്പാക്കേണ്ടതില്ലെന്ന് തൊഴിലാളി യൂണിയനുകള് തീരുമാനിച്ചത്.
Discussion about this post