തിരുവനന്തപുരം: മിനിമം ചാര്ജ് 12 രൂപയാക്കണമെന്ന് ആവശ്യപ്പെട്ട് സ്വകാര്യബസുടമകള് സമരത്തിലേക്ക്. വിദ്യാര്ഥികളുടെ ബസ് നിരക്കും വര്ധിപ്പിക്കണം. നിരക്ക് കൂട്ടാന് സമ്മതിച്ച സര്ക്കാര് നാലുമാസമായിട്ടും വാക്കുപാലിച്ചില്ല. ബജറ്റിലും പരിഗണിച്ചില്ല, രണ്ടുദിവസത്തിനകം സമരപ്രഖ്യാപനമുണ്ടാകുമെന്നും ബസ് ഉടമകള് അറിയിച്ചു.
ബസ് ചാര്ജ് മിനിമം ഇനി പത്ത് രൂപ പോരെന്നാണ് ഫെഡറേഷന് പറയുന്നത്. മിനിമം ചാര്ജ് പന്ത്രണ്ട് രൂപയായി ഉടന് പ്രഖ്യാപിക്കണമെന്നും വിദ്യാര്ത്ഥികളുടെ ബസ് യാത്രാനിരക്ക് കൂട്ടണമെന്നും സ്വകാര്യ ബസ്സുടമകളുടെ സംഘനയായ ബസ് ഓപ്പറേറ്റേഴ്സ് ഫെഡറേഷന് ആവശ്യപ്പെടുന്നു. വിദ്യാര്ത്ഥികളുടെ യാത്രാനിരക്ക് നിലവിലുള്ള 1 രൂപയില് നിന്ന് മിനിമം ആറ് രൂപയാക്കണമെന്നാണ് ആവശ്യം.
നിരക്ക് കൂട്ടാമെന്നേറ്റ സര്ക്കാര് നാല് മാസമായിട്ടും വാക്ക് പാലിച്ചില്ല. രാമചന്ദ്രന് കമ്മിറ്റി റിപ്പോര്ട്ട് നടപ്പാക്കിയില്ല. ബജറ്റിലും ഒരു പരിഗണനയുമില്ലെന്നും അവര് ആരോപിക്കുന്നു. രണ്ടോ മൂന്നോ ദിവസത്തിനകം മറ്റ് സംഘടനകളുമായി ആലോചിച്ച് സമരം തുടങ്ങാനുള്ള തീയതി പ്രഖ്യാപിക്കുമെന്നാണ് ബസ് ഓപ്പറേറ്റേഴ്സ് ഫെഡറേഷന് വ്യക്തമാക്കുന്നത്. ഈ മാസം മുപ്പത്തിയൊന്നിനകം തീയതി പ്രഖ്യാപിക്കും. മൂന്ന് ദിവസത്തിനുള്ളില് സമരപ്രഖ്യാപനമുണ്ടാകും – ഫെഡറേഷന് വ്യക്തമാക്കി.
Discussion about this post