കൊച്ചി: മീഡിയ വണ് ചാനലിന്റെ സംപ്രേഷണ വിലക്ക് നീക്കണമെന്ന് ആവശ്യപ്പെട്ടുള്ള ഹര്ജി ഹൈക്കോടതി തള്ളി. റിപ്പോര്ട്ടിലെ വിവരങ്ങള് ഗുരുതരമെന്ന് ഹൈക്കോടതി നിരീക്ഷിച്ചു. കേന്ദ്ര ആഭ്യന്തര മന്ത്രാലയം വിലക്കാനുള്ള തീരുമാനം എടുത്തത് ഇന്റലിജന്സ് റിപ്പോര്ട്ടുകളുടെ അടിസ്ഥാനത്തിലാണെന്നും ഗുരുതര സ്വഭാവമുള്ള ചില കണ്ടെത്തലുകളുമാണ് കേന്ദ്രം സമര്പ്പിച്ച റിപ്പോര്ട്ടിലുള്ളതെന്നും പരാമര്ശിക്കൊണ്ടാണ് ഹൈക്കോടതി ഹര്ജി തള്ളിയത്.
മാധ്യമം ബ്രോഡ് കാസ്റ് ലിമിറ്റഡ് ആണ് ഹര്ജി നല്കിയത്. ഹര്ജി തള്ളിയത്തോടെ മീഡിയ വണ് ചാനലിനുള്ള വിലക്ക് പ്രാബല്യത്തില് വരും. തങ്ങളുടെ ഭാഗം കേള്ക്കാതെയാണ് കേന്ദ്ര നടപടി എന്നായിരുന്നു ഹര്ജിയിലെ വാദം. എന്നാല് രാജ്യ സുരക്ഷയുമായി ബന്ധപ്പെട്ടാണ് സംപ്രേഷണം തടഞ്ഞതെന്നും കോടതി ഇതില് ഇടപെടരുത് എന്നും കേന്ദ്രം കോടതിയെ അറിയിച്ചിരുന്നു. ചാനലിന് സുരക്ഷാ അനുമതി നിഷേധിച്ചതുമായി ബന്ധപ്പെട്ട രേഖകള് കേന്ദ്ര സര്ക്കാര് മുദ്രവച്ച കവറില് കൈമാറിയിട്ടുണ്ട്. ചാനലിലെ ജീവനക്കാരും, കേരള പത്രവര്ത്തക യൂണിയനും കേസില് കക്ഷി ചേരുന്നതിനെ കേന്ദ്ര സര്ക്കാര് എതിര്ത്തു.
Discussion about this post