തിരുവനന്തപുരം: സ്വര്ണ്ണക്കടത്ത് കേസില് സ്വപ്ന സുരേഷിന്റെ പുതിയ വെളിപ്പെടുത്തലില് കേന്ദ്ര ഏജന്സികള് വീണ്ടും അന്വേഷണത്തിന്. നാളെ ചോദ്യംചെയ്യലിന് ഹാജരാകാന് സ്വപ്ന സുരേഷിന് ഇഡി സമന്സ് അയച്ചു. കസ്റ്റഡിയില് ഇരിക്കെ ഫോണ് സംഭാഷണം റെക്കോര്ഡ് ചെയ്ത് പുറത്തുവിട്ടതിലാണ് അന്വേഷണം.
മുഖ്യമന്ത്രിയുടെ പേര് പറയാന് ഉദ്യോഗസ്ഥര് നിര്ബന്ധിച്ചു എന്നായിരുന്നു ഓഡിയോ. എം.ശിവശങ്കര് ആണ് ഇതിന് പിന്നിലെന്ന് സ്വപ്ന അഭിമുഖങ്ങളില് ആരോപിച്ചിരുന്നു. ഈ ഫോണ് റെക്കോര്ഡിന് പിന്നിലെ ഗൂഢാലോചന ആരുടേതാണെന്നാണ് അന്വേഷിക്കുക.
ശിവശങ്കര് ആസൂത്രണം ചെയ്ത പദ്ധതിക്കനസരിച്ച് ഗാര്ഡ് നിന്ന് പൊലീസ് ഉദ്യോഗസ്ഥയാണ് മൊബൈലില് ശബ്ദം റിക്കോര്ഡ് ചെയ്തതെന്നും സ്വപ്ന വെളിപ്പെടുത്തിയിരുന്നു. ഇതിന് തൊട്ടുപിന്നാലെയാണ് കേന്ദ്ര ഏജന്സികള്ക്കെതിരെ സംസ്ഥാന സര്ക്കാര് ജുഡീഷ്യല് അന്വേഷണം പ്രഖ്യാപിച്ചത്. ഈ നീക്കം പിന്നീട് സിംഗിള് ബെഞ്ച് തടഞ്ഞു. ഉത്തരവ് ചോദ്യം ചെയ്ത് സര്ക്കാര് നല്കിയ അപ്പീല് നിലവില് ഡിവിഷന് ബെഞ്ചിന്റെ പരിഗണനയിലാണ്.
Discussion about this post