കോട്ടയം: മൂര്ഖന്റെ കടിയേറ്റ് ഗുരുതരാവസ്ഥയില് കോട്ടയം മെഡിക്കല് കോളേജില് ചികിത്സയില് കഴിഞ്ഞിരുന്ന വാവാ സുരേഷ് ആശുപത്രി വിട്ടു. വാവാ സുരേഷിന്റെ ആരോഗ്യനില പഴയ നിലയിലേക്ക് തിരിച്ചെത്തിയതോടെയാണ് ഇന്ന് ഡിസ്ചാര്ജ് ചെയ്തത്. അണുബാധയ്ക്ക് സാധ്യതയുള്ളതിനാല് വീട്ടിലെത്തിയാലും സൂക്ഷിക്കണമെന്നും സന്ദര്ശകരെ ഒഴിവാക്കണമെന്നും നിര്ദ്ദേശമുണ്ട്. പാമ്പ് കടിയേറ്റിടത്തെ മുറിവ് ഉണങ്ങിവരുന്നുണ്ട്.
തന്റെ രണ്ടാം ജന്മമാണിതെന്നും കൃത്യസമയത്ത് ചികിത്സ കിട്ടിയത് തുണയായെന്നും വാവ സുരേഷ് പറഞ്ഞു. പാമ്പ് പിടുത്തം തുടരാന് തന്നെയാണ് തീരുമാനം. തനിക്കെതിരെ ചിലര് ഗൂഢാലോചന നടത്തി. വനംവകുപ്പിലെ ഒരു ഉദ്യോഗസ്ഥന് തന്നെ ദ്രോഹിക്കുന്നുണ്ടെന്നും വാവ സുരേഷ് പറഞ്ഞു. ആ ഉദ്യോഗസ്ഥന്
പലരോടും പാമ്പിനെ പിടിക്കാന് എന്നെ വിളിക്കരുതെന്ന് പറയുന്നുണ്ട്. എന്നാല് ഉദ്യോഗസ്ഥന്റെ പേര് വെളിപ്പെടുത്താന് ആഗ്രഹിക്കുന്നില്ലെന്നും വാവ സുരേഷ് വ്യക്തമാക്കി.
ഏത് രീതിയില് പാമ്പിനെ പിടിച്ചാലും അപകട സാധ്യതയുണ്ട്. മരണംവരെ പാമ്പ് പിടുത്തത്തില് നിന്ന് പിന്മാറില്ലെന്നും വാവാ സുരേഷ് പറഞ്ഞു.
Discussion about this post