ഊട്ടി: ഇന്ത്യയുടെ സംയുക്ത സൈനിക മേധാവി ബിപിന് റാവത്ത് അടക്കമുള്ള ഉന്നത ഉദ്യോഗസ്ഥര് സഞ്ചരിച്ച ഹെലികോപ്റ്റര് ഊട്ടിയിലെ കൂനൂരില് തകര്ന്നുവീണു. നാല് പേര് മരിച്ചു. ജനറല് ബിപിന് റാവത്തിനുള്പ്പെടെ ഗുരുതര പരിക്കേറ്റതായാണ് റിപ്പോര്ട്ട്.
അദ്ദേഹത്തിന്റെ പത്നി മധുലിക റാവത്ത്, സംയുക്ത സൈനിക മേധാവിയുടെ ഓഫീസ് ജീവനക്കാരും സുരക്ഷാഭടന്മാരും അടക്കം ആകെ 14 പേരാണ് ഹെലികോപ്ടറില് ഉണ്ടായിരുന്നത്. ബ്രിഗേഡിയര് എല്എസ് ലിഡ്ഡെര്, ലഫ്റ്റ്. കേണല് ഹര്ജിന്ദെര് സിംഗ്, നായിക് ഗുര്സേവാക് സിംഗ്, നായിക് ജിതേന്ദ്രകുമാര്, ലാന്സ് നായിക് വിവേക് കുമാര്, ലാന്സ് നായിക് ബി സായ് തേജ, ഹവീല്ദാര് സത്പാല് എന്നിവരാണ് ഹെലികോപ്റ്ററില് ഉണ്ടായിരുന്ന ഉദ്യോഗസ്ഥര്.
അപകടത്തില് എണ്പത് ശതമാനത്തോളം പൊള്ളലേറ്റ രണ്ട് പേരെ നാട്ടുകാര് ആശുപത്രിയില് എത്തിച്ചിട്ടുണ്ട്. വ്യോമസേനയുടെ എം.17 ഹെലികോപ്ടറാണ് അപകടത്തില്പ്പെട്ടത്. ബിപിന് റാവത്തിന്റേയോ അദ്ദേഹത്തിന്റെ ഭാര്യയുടേയോ നിലവിലെ ആരോഗ്യനില സംബന്ധിച്ച് യാതൊരു വിവരവും ഇതുവരെ സൈന്യം നല്കിയിട്ടില്ല.
Discussion about this post