ഛത്തീസ്ഗഡ് മുഖ്യമന്ത്രി ഭൂപേഷ് ബാഗേല് ചാട്ടവാറിയേറ്റ് വാങ്ങുന്ന ഒരു വീഡിയോ പ്രചരിക്കുന്നു. നാട്ടില് ഐശ്വര്യം വരാനാണ് മുഖ്യമന്ത്രി ചാട്ടവാറയടിയേറ്റു വാങ്ങിയത്. ഗോവര്ധന് പൂജാ ആഘോഷങ്ങളുടെ ഭാഗമായിട്ടാണ് ഭൂപേഷ് ചാട്ടവാറടി ഏറ്റുവാങ്ങിയത്.
ജഞ്ച്ഗിരി ഗ്രാമത്തിലെ ഗോവര്ധന പൂജയോടനുബന്ധിച്ചായിരുന്നു ചാട്ടവാറടി ചടങ്ങ്. ഗോവര്ധന പൂജയോടനുബന്ധിച്ച് മുഖ്യമന്ത്രി എല്ലാ വര്ഷം ജഞ്ച്ഗിരിയില് സന്ദര്ശനം നടത്താറുണ്ട്. കഴിഞ്ഞ വര്ഷം വരെ തന്റെ പിതാവ് ബരോസ താക്കൂറാണ് പൂജയോടനുബന്ധിച്ച് ചാട്ടയടി ഏറ്റുവാങ്ങിയിരുന്നതെന്ന് ഭൂപേഷ് ബാഗേല് പറഞ്ഞു. ഗ്രാമങ്ങളിലെ ഈ ആചാരങ്ങള് കര്ഷകരുടെ നന്മയ്ക്കായി ഉദ്ദേശിച്ചുള്ളതാണെന്ന് മുഖ്യമന്ത്രി പറഞ്ഞു.
മുഖ്യമന്ത്രി ഭൂപേഷ് ബാഗേലിന്റെ വലത് കൈത്തണ്ടയിലാണ് ബീരേന്ദ്ര താക്കൂര് എന്നയാള് ചാട്ടവാറുകൊണ്ട് അടിച്ചത്. എട്ടു തവണയാണ് അടിച്ചത്.
#WATCH | Chhattisgarh Chief Minister Bhupesh Baghel getting whipped as part of a ritual on the occasion of Govardhan Puja in Durg pic.twitter.com/38hMpYECmh
— ANI (@ANI) November 5, 2021
Discussion about this post