തിരുവനന്തപുരം: സംസ്ഥാനത്തെ ഐടി പാര്ക്കുകളില് വൈന് പാര്ലറുകള് തുടങ്ങുമെന്ന് മുഖ്യമന്ത്രി പിണറായി വിജയന്. നിയമസഭയിലാണ് മുഖ്യമന്ത്രി ഇക്കാര്യം പറഞ്ഞത്. കോവിഡ് തീരുന്ന മുറയ്ക്ക് ഇതിനായുള്ള നടപടിയുണ്ടാകുമെന്നും മുഖ്യമന്ത്രി പറഞ്ഞു .
ഐടി പാര്ക്കുകളില് വൈന് പാര്ലറുകള് ഇല്ലാത്തത് വന് പോരായ്മയാണെന്നാണ് മുഖ്യമന്ത്രി ഇന്ന് സഭയില് പറഞ്ഞ്. ഐടി സ്ഥാപനങ്ങളുടെ റിപ്പോര്ട്ടില് ഇതൊരു പോരായ്മയായി ചൂണ്ടിക്കാട്ടുന്നുമുണ്ട് ഇതിന്റെ അടിസ്ഥാനത്തിലാണ് വൈന് പാര്ലറുകള് തുടങ്ങാന് തീരുമാനിച്ചതെന്നും മുഖ്യമന്ത്രി വ്യക്തമാക്കി.
കൊവിഡില് കേരളത്തിലെ ഐടി പാര്ക്കുകള് പലതും അടച്ചുപൂട്ടി കമ്പനികള് വര്ക് ഫ്രം ഹോം മോഡിലേക്ക് മാറിയതോടെയാണ് ഇക്കാര്യത്തില് തുടര്നടപടികള് നിലച്ചതെന്ന് മുഖ്യമന്ത്രി വ്യക്തമാക്കുന്നു.
സംസ്ഥാനത്താകെ ഒന്നര ലക്ഷം ഐടി ജീവനക്കാരാണുള്ളത്. തിരുവനന്തപുരം ടെക്നോപാര്ക്കില് മാത്രം ജോലി ചെയ്യുന്നത് 60,000 പേരാണ്. ടെക്നോ പാര്ക്ക്, ഇന്ഫോ പാര്ക്ക്, സൈബര് പാര്ക്ക് എന്നിവിടങ്ങളിലായി ഇത്രയധികം പേര് ജോലി ചെയ്യുന്നുണ്ടെന്നിരിക്കേ, ഇവര്ക്ക് വിശ്രമസമയങ്ങളും ഇടവേളകളും ചെലവഴിക്കാന് ഇത്തരം കേന്ദ്രങ്ങള് തുറക്കുന്നത് കൂടുതല് ടെക്കികളെ കേരളത്തിലെ ഐടി പാര്ക്കുകളിലേക്ക് ആകര്ഷിക്കുമെന്നാണ് കണക്ക് കൂട്ടല്.
Discussion about this post