തിരുവനന്തപുരം: ഇന്നും ഇന്ധനവില കൂടി. ഒരു ലിറ്റര് പെട്രോളിന് 48 പൈസയാണ് ഇന്ന് കൂടിയത്. ഡീസലിന് ഇന്ന് വില കൂട്ടിയിട്ടില്ല. തിരുവനന്തപുരത്ത് ഇന്ന് പെട്രോള് വില 112 രൂപ 59 പൈസയാണ്.
ഒക്ടോബറില് റെക്കോര്ഡ് വര്ധനവാണ് ഇന്ധനവിലയിലുണ്ടായത്. പെട്രോളിന് ഏഴ് രൂപ എണ്പത്തിരണ്ട് പൈസയും ഡീസലിന് എട്ട് രൂപ എഴുപത്തൊന്ന് പൈസയുമാണ് ഒക്ടോബറില് കൂടിയത്.
ജനജീവിതം ദുരിതത്തിലാക്കുന്ന ഇന്ധനവില കുറയാന് ജിഎസ്ടിയില് ഉള്പ്പെടുത്തണമെന്ന ആവശ്യവും ഉയര്ന്നുണ്ട്. എന്നാല് ഭൂരിപക്ഷം സംസ്ഥാനങ്ങളും എതിര്ത്തതോടെ പെട്രോളും ഡീസലും ജിഎസ്ടിയില് ഉള്പ്പെടുത്തേണ്ടെന്ന് കൗണ്സില് തീരുമാനിക്കുകയായിരുന്നു.
വില കുറക്കാനായി കേന്ദ്ര-സംസ്ഥാന സര്ക്കാരുകള് ഈടാക്കുന്ന നികുതി കുറയ്ക്കണമെന്ന് ആവശ്യമുയര്ന്നിരുന്നു.
Discussion about this post