തിരുവനന്തപുരം: സംസ്ഥാനത്ത് കനത്ത മഴ തുടരുന്നതിനിടെ അഞ്ച് ജില്ലകളില് റെഡ് അലര്ട്ട് പ്രഖ്യാപിച്ചു. പത്തനംതിട്ട, കോട്ടയം, എറണാകുളം, ഇടുക്കി,തൃശൂര് ജില്ലകളിലാണ് റെഡ് അലര്ട്ട് പ്രഖ്യാപിച്ചത്. ഏഴ് ജില്ലകളില് ഓറഞ്ച് അലര്ട്ടും കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
പൊതു ജനങ്ങള്ക്ക് മുഖ്യമന്ത്രി ജാഗ്രതാ നിര്ദ്ദേശം നല്കി. അടുത്ത 24 മണിക്കൂര് അതീവ ജാഗ്രത പുലര്ത്തേണ്ടതാണെന്നും മുഖ്യമന്ത്രി നിര്ദ്ദേശിച്ചു. നദികളില് ജലനിരപ്പുയരാനും ചില അണക്കെട്ടുകളില് നിന്ന് വെള്ളം പുറത്തേക്കൊഴുക്കാനും സാധ്യതയുണ്ട്. നദിക്കരകളിലും അണക്കെട്ടുകളുടെ താഴെയും താമസിക്കുന്നവര് ജാഗ്രത പാലിക്കുകയും അധികൃതരുടെ നിര്ദേശങ്ങള് അനുസരിക്കുകയും ചെയ്യണം. യാതൊരു കാരണവശാലും ജലാശയങ്ങളില് ഇറങ്ങാന് പാടില്ല. മലയോര മേഖലകളിലേക്കുള്ള യാത്രകള് പരമാവധി ഒഴിവാക്കണം. മണ്ണിടിച്ചില്-ഉരുള്പൊട്ടല് സാധ്യതയുള്ള പ്രദേശങ്ങളില് അധിവസിക്കുന്നവരും അതീവ ജാഗ്രത പാലിക്കേണ്ടതാണെന്നാണ് നിര്ദ്ദേശം.
കണ്ട്രോള് റൂം
റവന്യു മന്ത്രിയുടെ ഓഫീസില് കണ്ട്രോള് റൂം പ്രവര്ത്തനം ആരംഭിച്ചു. നമ്പറുകള് ചുവടെ
8606883111
9562103902
9447108954
9400006700
ഫോണിലോ വാട്സ് ആപ്പ് മുഖേനയൊ ബന്ധപ്പെടാവുന്നതാണ്.
Discussion about this post