അബുദാബി: യുഎഇയില് മൂന്ന് മുതല് 17 വയസ് വരെ പ്രായമുള്ള കുട്ടികള്ക്കും കൊവിഡ് വാക്സിന് നല്കാന് അനുമതി. കുട്ടികളില് സിനോഫാം വാക്സിന് അടിയന്തര അനുമതി നല്കിയതായി ആരോഗ്യ – പ്രതിരോധ മന്ത്രാലയം അറിയിച്ചു. ക്ലിനിക്കല് പരീക്ഷണങ്ങളുടെ ഫലം അവലോകനം ചെയ്ത ശേഷമാണ് അനുമതി നല്കിയത്.
900 കുട്ടികളെ പങ്കെടുപ്പിച്ചുകൊണ്ടുള്ള ഇമ്യൂണ് ‘ബ്രിഡ്ജ് സ്റ്റഡി’യിലെ വിവരങ്ങള് വിലയിരുത്തിയാണ് ഇപ്പോള് വാക്സിന്റെ അടിയന്തര ഉപയോഗത്തിന് ആരോഗ്യ – പ്രതിരോധ മന്ത്രാലയം അനുമതി നല്കിയത്. ഈ വര്ഷം ജൂണ് മാസത്തിലാണ് സിനോഫാം വാക്സിന് കുട്ടികളില് ഉപയോഗിച്ചുകൊണ്ടുള്ള പരീക്ഷണം യുഎഇയില് ആരംഭിച്ചത്. മാതാപിതാക്കളുടെ പൂര്ണ അനുമതിയോടെയാണ് കുട്ടികളില് വാക്സിന് പഠനം നടത്തിയത്.
.
Discussion about this post