ന്യൂഡല്ഹി: ബക്രീദിനോടനുബന്ധിച്ച് കേരളത്തില് കൊവിഡ് നിയന്ത്രണങ്ങള്ക്ക് ഇളവ് നല്കിയതിനെതിരെ സുപ്രീംകോടതിയില് ഹര്ജി. വ്യവസായി പി കെ ഡി നമ്പ്യാര് ആണ് ഹര്ജി നല്കിയത്.
മഹാരാഷ്ട്രയിലെയും കേരളത്തിലെയും കൊവിഡ് സാഹചര്യത്തില് കഴിഞ്ഞദിവസം പ്രധാനമന്ത്രി നരേന്ദ്രമോദി ആശങ്ക അറിയിച്ചിരുന്നു. സംസ്ഥാനത്ത് ആരോഗ്യ അടിയന്തരാവസ്ഥയ്ക്ക് സമാനമായ സാഹചര്യമാണ് നിലനില്ക്കുന്നത്. ഈ പശ്ചാത്തലത്തില് മനുഷ്യരുടെ ജീവന് വച്ച് സര്ക്കാര് പന്താടുകയാണ് എന്ന് സൂചിപ്പിച്ച് കൊണ്ടാണ് സര്ക്കാരിനെതിരെ സുപ്രീംകോടതിയില് ഹര്ജി നല്കിയത്.
ബക്രീദിനോടനുബന്ധിച്ച് ഞായര്, തിങ്കള്, ചൊവ്വ ദിവസങ്ങളിലാണ് കടകള് എല്ലാം തുറക്കാന് സര്ക്കാര് അനുമതി നല്കിയത്.സര്ക്കാരിന്റെ ഈ നീക്കത്തിനെതിരെ ഇന്ത്യന് മെഡിക്കല് അസോസിയേഷനും ഇന്നലെ രംഗത്തെത്തിയിരുന്നു.
Discussion about this post