തിരുവനന്തപുരം: സംസ്ഥാനത്ത് കോവിഡ് ബാധിച്ച് മരിച്ചവരുടെ പേര് വിവരങ്ങള് ഇന്ന് മുതല് വീണ്ടും പ്രസിദ്ധീകരിച്ച് തുടങ്ങും. പ്രതിദിന കോവിഡ് വിവര പട്ടികയില് പേരുകള് വീണ്ടും ഉള്പ്പെടുത്താനാണ് സര്ക്കാര് തീരുമാനം. കോവിഡ് ബാധിച്ച് മരിച്ചവരുടെ പേരും വയസും സ്ഥലവും ജില്ലാ അടിസ്ഥാനത്തില് വെബ്സൈറ്റില് പ്രസിദ്ധീകരിക്കും. കഴിഞ്ഞ വര്ഷം ഡിസംബറിലാണ് പേരുകള് പുറത്തുവിടുന്നത് ആരോഗ്യ വകുപ്പ് നിര്ത്തിയത്.
പട്ടിക പുനപ്രസിദ്ധീകരിക്കാന് സര്ക്കാര് തയാറായില്ലെങ്കില് പ്രതിപക്ഷം കണക്കുകള് ശേഖരിച്ച് പട്ടിക പുറത്തുവിടുമെന്ന് മുന്നറിയിപ്പ് നല്കിയിരുന്നു. പട്ടികയില് നിന്ന് പുറത്തായ മരണങ്ങളെക്കുറിച്ച് ഒറ്റപ്പെട്ട പരാതികളുയര്ന്നാല് പരിശോധിക്കാമെന്നാണ് ആരോഗ്യമന്ത്രി വീണാജോര്ജ്ജ് പറഞ്ഞത്. കുടുംബങ്ങളുടെ സ്വകാര്യത പരിഗണിച്ച ശേഷം മരിച്ചവരുടെ പേരുകള് പ്രസിദ്ധീകരിക്കാമെന്നും ആരോഗ്യമന്ത്രി പറഞ്ഞിരുന്നു.
Discussion about this post