ന്യൂഡല്ഹി: രാജ്യത്ത് കോവിഡിന്റെ രണ്ടാംതരംഗത്തിന് വ്യാപന വേഗത കൂടുതല്. പോസിറ്റീവ് കേസുകളുടെ എണ്ണത്തില് വന് വര്ധനവാണ് രേഖപ്പെടുത്തുന്നത്. കഴിഞ്ഞ 24 മണിക്കൂറിനിടെ 1,15,736 പേര്ക്കാണ് കോവിഡ് സ്ഥിരീകരിച്ചത്.
അടുത്ത നാലാഴ്ച വളരെ നിര്ണായകമാണെന്ന് ടാസ്ക് ഫോഴ്സിന്റെ തലവനായ ഡോ.വി.കെ.പോള് പറഞ്ഞു. ആദ്യ തരംഗത്തിനേക്കാള് വേഗത്തില് രണ്ടാം തരംഗത്തില് വൈറസ് വ്യാപിക്കുന്നുണ്ടെന്നും അദ്ദേഹം കൂട്ടിച്ചേര്ത്തു.
രോഗബാധ രൂക്ഷമായ മഹാരാഷ്ട്ര, ഛത്തീസ്ഗഢ്, പഞ്ചാബ് എന്നിവിടങ്ങളില് കേന്ദ്രസംഘം ഇന്നെത്തും. കൂടുതല് സംസ്ഥാനങ്ങള് രാത്രി കര്ഫ്യൂ ഏര്പ്പെടുത്തി. മഹാരാഷ്ട്രയില് രാത്രി സമയത്തും, ശനി, ഞായര് ദിവസങ്ങളിലും കര്ഫ്യൂ ഏര്പ്പെടുത്തിയതിന് പിന്നാലെ ഡല്ഹിയിലും ചൊവ്വാഴ്ച മുതല് ഏപ്രില് 30 വരെ രാത്രി കര്ഫ്യൂ പ്രഖ്യാപിച്ചു. കോവിഡ് വ്യാപനം തടയാന് സംസ്ഥാനത്ത് മൂന്നോ നാലോ ദിവസം ലോക്ഡൗണ് ഏര്പ്പെടുത്താന് ഗുജറാത്ത് ഹൈക്കോടതിയുടെ നിര്ദേശമുണ്ട്.
Discussion about this post