ന്യൂഡല്ഹി: കോവിഡ് വൈറസിന്റെ ജനിതകമാറ്റം വന്ന പുതിയ വകഭേദം കേരളത്തിലെ 11 ജില്ലകളില് കണ്ടെത്തി. പുതിയൊരു രോഗവ്യാപനമായി മാറാന് സാധ്യതയുള്ളതാണ് എന്440കെ എന്ന ഈ വകഭേദം.
വിവിധ സംസ്ഥാനങ്ങളില് നിന്ന് വൈറസ് സാമ്പിളുകള് ശേഖരിച്ച് അവയുടെ ജനിതക പ്രവര്ത്തനങ്ങളെക്കുറിച്ച് പഠിക്കാന് രൂപവത്കരിച്ച പത്ത് ദേശീയ ലബോറട്ടറികളുടെ കണ്സോര്ഷ്യമായ ഇന്സാകോഗ് ആണ് ഇക്കാര്യം സ്ഥിരീകരിച്ചത്. കേരളത്തിലെ 14 ജില്ലകളില്നിന്നും ശേഖരിച്ച 2032 സാംപിളുകളില് 11 ജില്ലകളിലെ 123 സാംപിളുകളിലാണ് എന്440കെ വകഭേദം കണ്ടത്.
നേരത്തേ രോഗം വന്നവരിലും അല്ലാതെ പ്രതിരോധശേഷി കൈവരിച്ചവരിലും പുതിയ രോഗം ഉണ്ടായേക്കാം. ആന്ധ്രാപ്രദേശിലെ 33 ശതമാനം സാംപിളുകളിലും തെലങ്കാനയിലെ 104ല് 53 സാംപിളുകളിലും ഇത് നേരത്തേ കണ്ടിരുന്നു
Discussion about this post