തിരുവനന്തപുരം: യുഡിഎഫിനൊപ്പമാണ് ജനങ്ങളുടെ സര്വേയെന്ന് പ്രതിപക്ഷ നേതാവ് രമേശ് ചെന്നിത്തല. മാധ്യമങ്ങള് സര്വേ നടത്തി തന്നെയും യുഡിഎഫിനെയും തകര്ക്കാന് ആസൂത്രിതമായ നീക്കം നടത്തുകയാണെന്നും ചെന്നിത്തല ആരോപിച്ചു. തിരുവനന്തപുരത്ത് വാര്ത്താസമ്മേളനത്തില് സംസാരിക്കുകയായിരുന്നു ചെന്നിത്തല.
ഒരു കമ്പനി തന്നെയാണ് ഇവിടെ മൂന്ന് സ്ഥാപനങ്ങള്ക്ക് വേണ്ടി സര്വേ നടത്തിയത്. കേരളത്തിലെ വോട്ടര്മാരില് ഒരു ശതമാനം പോലും പങ്കെടുക്കാത്ത സര്വേകളാണ് നടക്കുന്നത്. അഴിമതിയില് മുങ്ങികുളിച്ച സര്ക്കാരിനെ വെളളപൂശാന് വേണ്ടി മാധ്യമങ്ങള്ക്ക് 200 കോടിയുടെ പരസ്യമാണ് അവസാന കാലഘട്ടത്തില് സര്ക്കാര് നല്കിയത്. ഇതിന്റെ ഉപകാര സ്മരണയാണ് ഈ സര്വേയെന്നും ചെന്നിത്തല പറഞ്ഞു.
ലോക്സഭാ തെരഞ്ഞെടുപ്പില് ഇടതുമുന്നണിക്ക് 12 മുതല് 15 സീറ്റ് വരെ ലഭിക്കുമെന്നാണ് സര്വേകളില് പറഞ്ഞിരുന്നത്. എന്നാല് ലഭിച്ചത് ഒരേയൊരു സീറ്റാണ്. തിരുവനന്തപുരത്ത് കുമ്മനം ജയിക്കുമെന്നും ശശിതരൂര് തോല്ക്കുമെന്നായിരുന്നു മറ്റൊരു സര്വേ ഫലം. ശശി തരൂര് ജയിക്കുന്നതാണ് നമ്മള് കണ്ടത്. പാലാ ഉപതെരഞ്ഞെടുപ്പില് യുഡിഎഫ് ജയിക്കുമെന്ന് പറഞ്ഞപ്പോള് ജയിച്ചത് എല്ഡിഎഫാണ്- ചെന്നിത്തല പറഞ്ഞു.
Discussion about this post