തൃശ്ശൂര്: ശബരിമലയ്ക്കായി പാര്ലമെന്റില് നിയമനിര്മ്മാണം നടത്തുമെന്നും അതിനായുള്ള പ്രവര്ത്തനങ്ങള് ഇതിനോടകം കേന്ദ്രനേതാക്കള് തുടങ്ങി കഴിഞ്ഞെന്നും സുരേഷ് ഗോപി. എല്ലാ ക്ഷേത്രങ്ങളും വിശ്വാസികളുടെ കൈയിലെത്തുമെന്നും അതൊന്നും വൃത്തികെട്ട രാഷ്ട്രീയക്കാരുടെ കൈകളിലല്ല ഉണ്ടാവുകയെന്നും സുരേഷ് ഗോപി പറഞ്ഞു.
നിയമസഭാ തെരഞ്ഞെടുപ്പിലെ നാമനിര്ദേശ പത്രിക സമര്പ്പിക്കാനായി തൃശൂരിലെത്തിയതായിരുന്നു സുരേഷ് ഗോപി. ഹെലികോപ്റ്ററിലെത്തിയാണ് സുരേഷ് ഗോപി നാമനിര്ദേശ പത്രിക സമര്പ്പിച്ചത്.തൃശൂരില് ശക്തമായ മത്സരസാധ്യതയുണ്ടെന്ന് ആവര്ത്തിച്ച സുരേഷ് ഗോപി തൃശൂരിലെ വോട്ടര്മാര് തനിക്ക് വിജയം തരുമെന്നും പറഞ്ഞു.
Discussion about this post