കോട്ടയം: ഏറ്റുമാനൂരില് സ്വതന്ത്ര സ്ഥാനാര്ഥിയായി മത്സരിക്കാന് ലതിക സുഭാഷ്. കോട്ടയത്ത് അനുയായികളുമായി ചേര്ന്ന യോഗത്തിലാണ് തീരുമാനം.
പാര്ട്ടി ഏറ്റുമാനൂരില് തനിക്ക് സീറ്റ് നല്കും എന്ന് വിശ്വസിച്ച വിഡ്ഢിയാണ് താനെന്ന് ലതിക സുഭാഷ് പറഞ്ഞു. ഏറ്റുമാനൂരില് പ്രവര്ത്തകരെ അഭിസംബോധന ചെയ്ത് സംസാരിക്കുകയായിരുന്നു അവര്. മൂന്നുപതിറ്റാണ്ടിലേറെയായി ഏറ്റുമാനൂരില് പൊതുപ്രവര്ത്തനം നടത്തിയ താന് കഴിഞ്ഞ കാലങ്ങളില് നിന്ന് വ്യത്യസ്തമായി സമ്മിശ്ര വികാരങ്ങളോടെയാണ് ഇത്തവണ പ്രവര്ത്തകരെ അഭിസംബോധന ചെയ്യുന്നതെന്ന് പറഞ്ഞുകൊണ്ടാണ് ലതിക പ്രസംഗം ആരംഭിച്ചത്. ഒരിക്കലും ഒരു തിരഞ്ഞെടുപ്പ് കാലത്ത് പാര്ട്ടിയെ വേദനിപ്പിക്കാന് ആഗ്രഹിച്ചിട്ടില്ലെന്നും വലിയ സങ്കടമായിപ്പോയതുകൊണ്ടാണ് ഇത്തരത്തില് പ്രതികരിച്ചതെന്നും ലതിക സുഭാഷ് പറഞ്ഞു.
Discussion about this post