തിരുവനന്തപുരം: കല്ലമ്പലത്ത് കഴുത്തറുത്ത് മരിച്ച നിലയില് കണ്ടെത്തിയ ആതിരയുടെ ഭര്തൃമാതാവും മരിച്ച നിലയില്. സുനിത ഭവനില് ശ്യാമളയെയാണ് തൂങ്ങി മരിച്ച നിലയില് കണ്ടെത്തിയത്. വീടിന് തൊട്ടടുത്തുള്ള കോഴിഫാമിലാണ് ഇന്ന് രാവിലെ ഇവരെ തൂങ്ങി മരിച്ച നിലയില് കണ്ടത്.
ജനുവരി 15നാണ് ഇവരുടെ മരുമകളായിരുന്ന ആതിരയെ കഴുത്തറുത്ത് മരിച്ച നിലയില് കണ്ടെത്തിയത്. ആതിരയുടേത് ആത്മഹത്യയാണെന്നായിരുന്നു പ്രാഥമിക പോസ്റ്റ്മോര്ട്ടം റിപ്പോര്ട്ട്. സമീപത്ത് കാണപ്പെട്ട കറിക്കത്തി ഉപയോഗിച്ച് തന്നെയാണ് കഴുത്ത് അറുത്തിരിക്കുന്നത്. ആത്മഹത്യയ്ക്ക് മുന്പായി ഉണ്ടാക്കിയതാകാം കൈകളിലെ മുറിവുകളെന്നും പോലീസ് പറഞ്ഞിരുന്നു. മരണത്തില് ദുരൂഹതയുണ്ടെന്ന് ആതിരയുടെ ബന്ധുക്കള് പോലീസിനെ അറിയിച്ചിരുന്നു.
Discussion about this post