തിരുവനന്തപുരം: സംസ്ഥാനത്ത് ഇന്നും വരണ്ട കാലാവസ്ഥ തുടരും. കനത്ത ചൂടായിരിക്കും അനുഭവപ്പെടുക. ഈ സാഹചര്യത്തില് ആറ് ജില്ലകളില് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. കൊല്ലം, ആലപ്പുഴ, കോട്ടയം, തൃശ്ശൂര്, കോഴിക്കോട്, കണ്ണൂര് ജില്ലകളിലാണ് മുന്നറിയിപ്പ് നല്കിയിട്ടുള്ളത്. ഈ ജില്ലകളില് മൂന്ന് ഡിഗ്രി സെല്ഷ്യസ് വരെ താപനില ഉയര്ന്നേക്കും. ഉച്ചസമയത്ത് പുറം ജോലികള്ക്കുള്ള വിലക്ക് തുടരുകയാണ്. ചൊവ്വാഴ്ചയോടെ വേനല്മഴ കിട്ടിയേക്കും. മാര്ച്ച് അവസാനത്തോടെ കൂടുതല് മഴയ്ക്ക് പെയ്യുമെന്നാണ് പ്രതീക്ഷിക്കുന്നത്.
ഈ ദിവസങ്ങളില് ചൂട് കൂടാന് കാരണം വരണ്ട വടക്ക് കിഴക്കന് കാറ്റാണ് . മഹാരാഷ്ട്ര, ഗുജറാത്ത് തീരത്തിന് മുകളിലായുള്ള ഉഷ്ണതരംഗത്തിന് സമാനമായ അന്തരീക്ഷമാണ് വരണ്ട വടക്കന് കാറ്റിന് കാരണം.
കേരളമടക്കം പല സംസ്ഥാനങ്ങളും കനത്ത ചൂടില് ഇപ്പോള് തന്നെ വലയുകയാണ്. കേന്ദ്ര കാലാവസ്ഥ വകുപ്പിന്റെ കണക്ക് പ്രകാരം സമതല പ്രദേശങ്ങളില് രാജ്യത്ത് ഇന്നലെ ഏറ്റവും ഉയര്ന്ന ചൂട് രേഖപെടുത്തിയത് രാജസ്ഥാനിലെ ബാമറിലാണ് (40.3°c). കേരളവും തൊട്ടുപിന്നാലെയുണ്ട്.
സംസ്ഥാനത്ത് ഇന്നലെ താപനില 38.6 ഡിഗ്രി കടന്നു. കേരളത്തില് ഏറ്റവും കൂടുതല് ചൂട് രേഖപ്പെടുത്തിയത് പുനലൂര് (38.6°c) വെള്ളാനിക്കര ( 38.6°c) മേഖലകളിലാണ്. വരണ്ട വടക്ക് കിഴക്കന് കാറ്റാണ് ഈ ദിവസങ്ങളില് ചൂട് കൂടാന് കാരണം. മഹാരാഷ്ട്ര, ഗുജറാത്ത് തീരത്തിന് മുകളിലായുള്ള ഉഷ്ണതരംഗത്തിന് സമാനമായ അന്തരീക്ഷമാണ് വരണ്ട വടക്കന് കാറ്റിന് കാരണം.
Discussion about this post