തൃശൂര്: മുഖ്യമന്ത്രി പിണറായി വിജയനെതിരെ തൃശൂര് അതിരൂപത. മുസ്ലീം പ്രീണനത്തിലൂടെ ക്രൈസ്തവ സമുദായത്തെ അവഗണിക്കുന്നെന്ന് മുഖപത്രമായ കത്തോലിക്കാസഭയിലെ ലേഖനത്തില് വിമര്ശിക്കുന്നു. കെ ടി ജലീലിലൂടെ എല്ഡിഎഫ് നടത്തുന്നത് മുസ്ലീം പ്രീണനമാണെന്നും അതിരൂപത വിമര്ശിച്ചു.
അര്ഹതപ്പെട്ട പല ആനുകൂല്യങ്ങളും പദവികളും ക്രൈസ്തവ സമുദായത്തിന് നിഷേധിച്ചുകൊണ്ടാണ് ഇത് നടക്കുന്നത്. ഫണ്ട് വിഹിതത്തിലടക്കം തങ്ങളെ അവഗണിക്കുന്നതിനൊപ്പം മുസ്ലീം വിഭാഗത്തിന് അര്ഹതയില്ലാത്ത അവകാശങ്ങളും അധികാരങ്ങളും കൊടുക്കുകയും ചെയ്യുന്നു എന്നും പത്രം വിമര്ശിക്കുന്നു.
തെരഞ്ഞെടുപ്പിന് മുമ്പ് പാണക്കാട്ടെ തിണ്ണ നിരങ്ങുന്ന യുഡിഎഫിന്റെ വര്ഗ സ്വഭാവമാണ്. നേരത്തെ യുഡിഎഫ് ചെയ്ത പ്രീണനം ഇപ്പോള് എല്ഡിഎഫ് പിന്തുടരുന്നതെന്നാണ് മുഖപത്രത്തിലെ വിമര്ശനം. ചാണ്ടി ഉമ്മന്റെ വിവാദ പരാമര്ശത്തെയും മുഖപത്രത്തില് വിമര്ശിക്കുന്നു. ഹാഗിയ സോഫിയ പരാമര്ശം തല മറന്ന് എണ്ണ തേയ്ക്കലാണെന്നും പരാമര്ശത്തിന് മതേതര കേരളം മാപ്പ് തരില്ലെന്നുമാണ് വിമര്ശനം.
Discussion about this post