ദുബൈ: ഇന്ത്യയില് നിന്നും യുഎഇയിലേക്കുള്ള യാത്രാ വിലക്ക് നീട്ടി. ജൂലൈ ആറ് വരെയാണ് വിലക്ക് നീട്ടിയത്. ഈ മാസം 30 വരെ ഏര്പ്പെടുത്തിയിരുന്ന പ്രവേശനവിലക്ക് യുഎഇ സിവില് ഏവിയേഷന് അതോറിറ്റി നീട്ടിയതായി എയര് ഇന്ത്യ എക്സ്പ്രസ് അറിയിച്ചു.
14 ദിവസത്തിനിടെ ഇന്ത്യ സന്ദര്ശിച്ചിട്ടുള്ള ട്രാന്സിറ്റ് യാത്രക്കാര്ക്കും യുഎഇയില് പ്രവേശനം അനുവദിക്കില്ല. യുഎഇ സ്വദേശികള്, നയതന്ത്ര ഉദ്യോഗസ്ഥര്, ഔദ്യോഗിക പ്രതിനിധികള്, ബിസിനസുകാര്, ഗോള്ഡന് വീസയുള്ളവര് എന്നിവരെ യാത്രാ വിലക്കില് നിന്ന് ഒഴിവാക്കിയിട്ടുണ്ട്. ഇവര് യുഎഇയിലെത്തിയാല് പിസിആര് പരിശോധനയ്ക്ക് വിധേയരാകുകയും 10 ദിവസം ക്വാറന്റീനില് കഴിയുകയും വേണം.
കഴിഞ്ഞമാസം 25നാണ് ഇന്ത്യയില് നിന്നുളള വിമാന സര്വീസുകള്ക്ക് യുഎഇ വിലക്കേര്പ്പെടുത്തിയത്. അതേസമയം, യുഎഇയില് നിന്ന് ഇന്ത്യയിലേയ്ക്കുള്ള വിമാന സര്വീസുകള് തുടരും.
Discussion about this post