മലയാള സിനിമയില് വീണ്ടും സജീവമാകുകയാണ് നടി ഭാവന. ഇടവേളയ്ക്കു ശേഷം ഭാവന മലയാളത്തില് തിരിച്ചെത്തുന്ന ‘ന്റിക്കാക്കാക്കൊരു പ്രേമണ്ടാര്ന്ന്!’ എന്ന ചിത്രത്തിന്റെ ചിത്രീകരണം കൊടുങ്ങല്ലൂരില് ആരംഭിച്ചു. അഞ്ച് വര്ഷത്തിനു ശേഷമാണ് നടി മലയാളത്തില് അഭിനയിക്കുന്നത്. 2017ല് റിലീസ് ചെയ്ത ആദം ജോണ് ആണ് നടി അവസാനം അഭിനയിച്ച മലയാളചിത്രം.
ആദില് മൈമൂനത്ത് അഷ്റഫാണ് ചിത്രം സംവിധാനം ചെയ്യുന്നത്. ‘ന്റിക്കാക്കാക്കൊരു പ്രേമണ്ടാര്ന്ന്’ എന്ന സിനിമയില് ഭാവനക്കൊപ്പം ഷറഫുദ്ധീനും കേന്ദ്ര കഥാപാത്രമായുണ്ട്.
ബോണ്ഹോമി എന്റര്ടൈന്മെന്റ്സിന്റെ ബാനറില് ഒരുക്കുന്ന ചിത്രം റെനീഷ് അബ്ദുള് ഖാദറാണ് നിര്മാണം. സഹോദരി-സഹോദര ബന്ധമാണ് ചിത്രത്തിന്റെ പ്രമേയം. അശോകന്, ഷെബിന് ബെന്സണ് എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു.
തിരക്കഥയില് കൂടെ പ്രവര്ത്തിക്കുന്ന വിവേക് ഭരതനാണ് സംഭാഷണം. അരുണ് റുഷ്ദി ഛായാഗ്രഹണവും അനീസ് നാടോടി കലാസംവിധാനവും നിര്വഹിക്കുന്നു. പോള് മാത്യൂസ്, നിശാന്ത് രാംടെകെ, ജോക്കര് ബ്ലൂസ് എന്നിവര് ചേര്ന്നാണ് സംഗീതം ഒരുക്കിയിരിക്കുന്നത്. വരികള് എഴുതുന്നത് വിനായക് ശശികുമാറും, ശബ്ദലേഖനവും ഡിസൈനും ശബരിദാസ് തോട്ടിങ്കലും, സ്റ്റില്സ് രോഹിത് കെ സുരേഷുമാണ്. ശ്യാം മോഹനാണ് എക്സിക്യൂട്ടീവ് പ്രൊഡ്യൂസര്.
Discussion about this post