കൊച്ചി: ബലാത്സംഗ കേസില് നടനും നിര്മ്മാതാവുമായ വിജയ് ബാബുവില് നിന്ന് താരസംഘടനയായ ‘അമ്മ’ വിശദീകരണം തേടി. സംഘടനയുടെ ഇന്റേണല് കമ്മിറ്റിയോടും റിപ്പോര്ട്ട് ആവശ്യപ്പെട്ടു. വിജയ് ബാബുവിനെതിരെ നടപടി റിപ്പോര്ട്ട് കിട്ടിയ ശേഷം തീരുമാനിക്കും. തുടര് നടപടി ചര്ച്ച ചെയ്യാന് എക്സിക്യൂട്ടീവ് യോഗം നാളെ ചേര്ന്നേക്കും. വിജയ് ബാബുവിന്റെ വിശദീകരണം എക്സിക്യൂട്ടീവ് യോഗത്തില് ചര്ച്ച ചെയ്യും. തുടര്നടപടികളെക്കുറിച്ച് സംഘടന നിയമോപദേശം തേടിയിട്ടുണ്ട്.
അതേസമയം, നടിയുടെ പരാതിയില് കേസെടുക്കാന് വൈകിയെന്ന ആരോപണം പൊലീസ് നിഷേധിച്ചു. കഴിഞ്ഞ 22നാണ് പരാതി ലഭിച്ചത്. അന്ന് തന്നെ കേസെടുത്ത് അന്വേഷണം തുടങ്ങി. ഇതിന് പിന്നാലെ ഫോണ് ഓഫ് ചെയ്ത് മുങ്ങിയ വിജയ് ബാബു ഗോവ, ബംഗളൂരു വഴി ദുബയിലേക്ക് കടക്കുകയായിരുന്നു. ഒളിവിലുള്ള നടന് കേസിലെ ഇരയെയോ സാക്ഷികളെയോ സ്വാധിനിക്കാന് ശ്രമിച്ചാല് കൂടുതല് കേസുകള് രജിസ്റ്റര് ചെയ്യുമെന്നും പൊലീസ് അറിയിച്ചു. പുതിയ മീ ടൂ ആരോപണത്തില് പരാതി ലഭിച്ചിട്ടില്ലെന്നും കൊച്ചി സിറ്റി പൊലീസ് കമ്മീഷണര് കൂട്ടിച്ചേര്ത്തു.
Discussion about this post